5 یانه‌ به‌ربژاركرن بۆ برنا چامپیونیز لیگ

ئه‌ڤرۆ نیوز:
راهێنه‌رێ ئه‌لمانى و یانا لیڤه‌رپول یورگن كلوپ دیاركر یا ب سانه‌هى نینه‌ ئه‌و هه‌ڤركیا ناسناڤێ چامپیونیز لیگ بكه‌ن ژبه‌ركو ل وه‌رزێ ئه‌ڤ ساله‌ هژماره‌كا تیمێن خودان شیان هه‌نه‌ و پاراستنا ناسناڤێ وه‌رزێ بورى دبینت بۆ ئه‌وان دێ یا ب زه‌حمه‌ت بیت.
یورگن كلوپ 5 یانه‌ به‌ربژاركرینه‌ بۆ برنا ناسناڤێ چامپیونیز لیگ كو ناڤێ ریال مه‌درید ئه‌وا ل شه‌ش سالێن بورى شیاى 4 جاران وى ناسناڤى ب ده‌ستخوڤه‌ ببه‌ت دیارنه‌كریه‌ دناڤا ئه‌وان به‌ربژاران دا .
ئه‌وى راهێنه‌رێ ئه‌لمانى د داخویانیه‌كا راگه‌هاندنى دا دیاركریه‌ ئه‌و دبینت یانا یوڤانتوس ئێك ژ باشترین پێكهاتیى یه‌ هه‌یه‌ ل وه‌رزێ ئه‌ڤ ساله‌ و دبینت ئێك ژ هه‌ڤركیێن گه‌له‌ك ب هێزه‌ و هه‌ردیسان پێكهاتیێ یانا بایرن میونیخ ژى تێرا وێ چه‌ندێ هه‌یه‌ هه‌ڤركه‌كا ب هێز بیت بۆ برنا وێ قاره‌مانیێ.
زێده‌تر كلوپ دیاركر یانا پاریس سانجێرمان ژى هه‌كه‌ هه‌موو یاریزانێن ئه‌وێ د به‌رهه‌ڤبن و د ره‌وشا خوه‌ یا باش دا بن دبینت گه‌له‌ك یا ب زه‌حمه‌ته‌ تیمه‌ك ژ رێیا وێ ده‌ربازبیت ژبه‌ركو یاریزانێن گه‌له‌ك خودان شیان ناڤا پێكهاتیێ ئه‌وان دا نه‌ و یانا مانچێسته‌ر سیتى ژى نوكه‌ ئارمانجا خوه‌ بتنێ كریه‌ ئه‌و قاره‌مانى تایبه‌ت پشتى بریارا سزادانا ئه‌وان و هیڤێن ئه‌وان بۆ برنا خولێ ژى ب زه‌حمه‌ت كه‌ڤین و هه‌ردیسان تیمه‌كا وه‌كو به‌رشه‌لۆنا نابیت ئه‌و ژبیر بكه‌ن ژبه‌ركو ئه‌و تیمه‌كه‌ هه‌رده‌م هه‌ڤركا ناسناڤێ چامپیونیز لیگ .

کۆمێنتا تە