60 هزار کەس بۆ رۆژا برێڤەچوونا ریفراندۆمێ دێ هێنە دامەزراندن
ئەڤرۆ نیۆز،زنار تۆڤی:
بەرپرسەکێ کۆمیسیۆنا بلند یا سەربەخۆ یا هەلبژارتن و راپرسیێ بەحسێ دامەزراندنا 60 هزار کەسان دکەت بۆ بنگەهێن دەنگدانێ و دبێژیت:رێنمایێن نوو دڤی باریدا دەرکەفتینە.
دلشاد نامق جێگرێ رێڤەبەرێ گشتی یێ کۆمیسیۆنا بلند یا سەربەخۆ یا هەلبژارتن و راپرسیێ گۆتیە:ل دووڤ رێنمایێن كۆمیسیۆنا بلند یا سه‌ربه‌خۆ یا هه‌لبژارتن و راپرسیێ ل هه‌رێما كوردستانێ،شێوازێ دامه‌زراندنا وان کەسان ب رێیا فۆرمێ نابێت،بەلکی دێ ب ڤی شێوه‌ی بیت.
1. كه‌سانێن یاسایی (پارێزه‌ر+مافپه‌روه‌ر) دێ هێنە دامەزراندن وه‌ك كارمه‌ندێن كۆمیسیۆنێ بۆ رێڤە‌به‌رێ بنگەهێ ده‌نگدانێ (مونەسق) و رێڤه‌به‌ری وێستگه‌ها ده‌نگدانێ (مودیر محه‌ته).
2.ئه‌و قوتابخانه و خواندنگەهێن كو دەنگدان تێدا دهێتەکرن،بتنێ مامۆستا و رێڤەبەرێ وێ قوتابخانانێ دێ هێنە دا‌مه‌زراندن وه‌ك فه‌رمانبه‌رێن ناڤ بنگەهی و وێستگه‌هێن ده‌نگدانێ و هەکە هژمارا مامۆستایان زێدەتر بوو ژ هژمارا فه‌رمانبه‌رێن پێدڤی،دێ دامەزراندن ب شێوێ تیرۆپشکێ بیت.
