67 پڕۆژە ل سنۆرێ دەڤەردارییا شێخانـێ ب دووماهـی هاتینە
د چارچووڤەیێ بەردەوامییا كار و بەرنامەیێن خزمەتگوزاری یێن كابینەیا نەهێ یا حوكمەتا هەرێما كوردستانێ ل سەنتەرێ دەڤەردارییا شێخان و ل سنۆرێ هەر ئێك ژ ناوچەداریێن ئەترووش، باعەدرێ، كەلەكچی، قەسرۆك و كەلەكێ 67 پڕۆژە د دەمێ سالەكێ دا ب ڕێژویا 100% ب دووماهی هاتینە و كەفتینە د خزمەتا گشتی دا.
ئەو پڕۆژەیێن ب دووماهی هاتین ژ پڕۆژەیێن ڤەكرن و سەخبێركرن و قێركرن و كۆنكریتكرنا هەژمارەكا جاددەیان، گەهاندنا كارەبێ بۆ هەژمارەكا گوندان و ڕۆناهیكرنا هەژمارەكا جادەیێن سەرەكی یێن سەنتەرێن باژێڕان، نووژەنكرن و چێكرنا ئاڤاهیێن قوتابخانەیان و هۆلێن بیرەوەریان و یاریگەهێن وەرزشی و پاركێن گشتی و پڕۆژەیێن بیرێن ئاڤێ و گەهاندنا تۆڕێن ئاڤێ پێك دهێن.
هەژی گوتنێ یە، هەر د چارچووڤەیێ كار و بەرنامەیێن خزمەتگوزاری یێن كابینەیا نەهێ یا حوكمەتا هەرێما كوردستانێ دا، جودا ژ ڤان پڕۆژەیان هەژمارەكا زۆرا پڕۆژەیێن جودا یێن خزمەتگوزاری ل سنۆرێ دەڤەردارییا شێخانێ كەفتینە د خزمەتا گشتی دا و كار لسەر قووناغێن هەژمارەكا پڕۆژەیێن دی دهێتە كرن.
