7 خولێن بێ بەرامبەر بۆ قوتابیان هاتن ڤەكرن
ئەڤرۆ نیوز ، عەلی حاجی :
لقا زاخۆ یا ئێكەتیا قوتابیێن كوردستانێ بۆ زێدەتری400 قوتابیێن ل سنورێ دەڤەرا زاخۆ رابوويه ب ڤەكرنا 7 خولێن بلندكرنا ئاستێ قوتابیان بۆ هەردو قوناغێن وێژەیی و زانستی ل پولا دوازدێ.
ئەحمەد سەعید ، بەرپرسێ لقا زاخۆ یا ئێكەتیا قوتابیێن كوردستانێ بۆ ئەڤرۆ نیوز دیار كر پشتی ده‌مێ ئەزموونا ب دووماهی هاتین، ئێكه‌تیا قوتابیێن كوردستانێ 7 خول بۆ قوتابیێن سەركەڤتینە بۆ قوناغا دوازدێ و هەر دیسان ئەو قوتابیێن بۆ خولا دویێ دێ ئه‌زموونان كەن ، ئەڤ خولە هەمی بێ بەرامبەر هاتینە ڤەكرن و هژمارەكا ماموستاێن خوە بەخش ژی دگەل مەدا پشكدارن و ئەڤ خولە دێ بۆ ده‌مێ هەیڤەكێ یا بەردەوام بیت .
گوت ژی : ل دەمەكێ نێزیك دێ خولەكا زمانێ ئینگلیزیێ ژی هێتە ڤەكرن و هەمان دەم دا ئەم یێ بزاڤان دكەین خولێن فێركرنا زمانانان ژی بهێنە ڤەكرن بۆ قوتابیان و ئەو خولە دێ ل گورەی پشكداریا رێژەیا قوتابیان بیت ، د بەرنامەیێ مەدایە هەتا وەرزێ هاڤینێ ب دووماهی بهێت ئەم بەردەوام بین ل سەر ڤەكرنا خولان بۆ قوتابیان .
