72 قوتابيێن شێخان هاتن خەلاتكرن
ئەڤرۆ نیوز،بارزان مزووری:
د رێورەسمەكێ دا ئەڤرۆ پێنجشه‌مبى 29/8/2019 ب بەرهەڤ بوونا قائیمقامێ قەزا شێخان و رێڤەبەرێ گشتی یێ پەروەردا پارێزگەها دهۆكێ و نوێنەرێ وەزارەتا سامانێن سرۆشتی یێ حكومەتا هەرێما كوردستانێ و نوێنەرێ كومپانیا هانت ئویل یا بەرهەم ئینانا پترۆلێ ل دەڤەرێ ب چاڤدێریا”سەردار یحیی عبدالعزیز”قایمقامێ قەزا شێخان، رێڤەبەریا پەروەردا قەزا شێخان ب پالپشتیا وەزارەتا سامانێن سرۆشتی یا حوكمه‌تاهەرێما كوردستانێ و كومپانیا هانت ئویل قوتابیێن سەركەفتی ل سنورێ پەروەردا شێخان هاتن خەلات كرن.
ئەسعەد محی الدین حەسەن،رێڤەبەرێ پەروەردا قەزا شێخان بۆ ئەڤرۆ نیوز گوت:ئەو قوتابیێن هاتین خەلات كرن یێن قوناغێن 9 بنه‌ره‌تى و 12 ئامادەیى بوون ئەوێن نمرێن بەرز دەست خوڤە ئینائین ل سنورێ پەروەردا قەزا شێخان ژوانا 72 قوتابی بوون یێن هەردو قوناغان.
ناڤهاتی خویاكر ئەو خەلاتێن هاتین دان بۆ وان قوتابیان ژلایێ كومپانیا هانت ئویل ڤە هاتبوون دابین كرن ژبەركۆ ئەڤە سێ یەم سالە ئەو كومپانی ب كارێ خەلاتكرنا وان رادبیت ژبلی وان دیاریا پرۆژێن مەزن بۆ كەرتێ پەروەردێ گەهاندینە،
هشیار بامەرنی،نوێنەرێ كومپانیا هانت ئویل بۆ ئەڤرۆ نیوز گوت:هەر ئێك ژوان قوتابیا باوه‌رنامه‌كا رێزلێنانێ دگەل لاپتوپەكێ بها گران بۆ وان هاتن دان ژبلی وان دیاریا كومپانیامە قوتابخانەك بۆ گوندێ سمریت دروست كریە دیسان زێدەتری 1000 چانتا ل سەر قوتابیان به‌لاڤكرينه، هه‌روه‌سا دابین كرنا كەلوپەلێن ناڤ ئاڤاهیێ دو باخچەیێن زارۆيان ل سنورێ پەروەردا شێخان مە د پلان دایە زێدەتر گرنگیێ ب كەرتێ پەروەردێ بدەن و هاریكاریا بگەهینین بۆ پەروەردا شێخان.
