810 زارۆیێن ئێتیم ھاریکاریێن دارایی وەردگرن
ئەڤرۆ نیوز، ئەمیر ئەترووشی:
دەزگەھێ خێرخوازی یێ بارزانی ب رێیا پرۆژەکی، ھاریکاریێن دراڤی ل سەر 810 زارۆیێن ئێتیم یێن پارێزگەھا دھۆکێ بەلاڤکرن.
عەبدولواحد ئەترووشی، رێڤەبەرێ دەزگەھێ خێرخوازی یێ بارزانی ل پارێزگەھا دھۆکێ بۆ ئەڤرۆ نیوز دیار کر، ئەڤ پرۆژە دێ ل سەرانسەری ھەرێما کوردستانێ ھێتە بجھئینان و ھەر زارۆیەکێ ئێتیم یان سێوێ دێ 300 دولاران وەرگریت و کۆژمێ 243 ھزار دۆلاران د ڤی پرۆژەیی دا ب تنێ بۆ ئێتیمێن دھۆکێ ھاتینە تەرخانکرن و ئەڤ پرۆژە دێ ل ھندەک قەزایان ژی ھێتە ئەنجامدان وەکو ئامێدیێ و ئاکرێ و ھندەک دەڤەرێن دی.
ئاشکرا ژی کر کو بەری دانا وی پارەی، ل دەستپێکێ خێزانێن وان ئێتیمان سەرەدانا دەزگایێ خێرخوازی یێ بارزانی دکەن و بەلگەنامێن وان دھێنە وەرگرتن و پشتی ھینگی ئێکسەر ھەر خێزانەک 300 دۆلاران وەرگریت و ئەڤ پرۆژە دێ ل گەلەک پارێزگەھێن دی ژی ھێتە ئەنجامدان.
