مەزنترین فرۆكا بارهه‌لگر هاتە دروستكرن
ئەڤرۆ نیۆز،زنار تۆڤی:
بۆ ئێکه‌م جار فرۆكه‌کا زه‌به‌لاح ل ئه‌مه‌ریكا دا هاتە نیشاندان،کو ب ئەگەرێ دیزاینێ وێ یێ جیاواز سه‌رنجا پسپۆڕ و شاره‌زایان راكێشایە،ل گه‌ل هندێ كو قه‌بارێ وێ یێ مەزنه.
ل دووڤ زانیاریێن کو د مالپه‌رێ دونیا دا هاتینە بەلاڤکرن کو درێژاهیا پەرێن وێ نێزیكی 117 مه‌ترانە و و كێشا وێ دگەهیتە نێزیكی 230 تەنان،بلنداهیا وێ ژی 15 مه‌ترن، هه‌روه‌سا ئەڤ فرۆكه ب شه‌ش بزوێنه‌ران كار دکەت و 28 تایێر هەنە و دشێت نێزیکی 250 تەنێن باری هه‌لبگریت.
ئەڤ فرۆكا نوو کو كۆمپانیا Stratolaunch دروست كریه،ب شێوه‌یه‌كێ تایبه‌ت هاتیە دیزاینكرن كو وه‌ك كۆمپانیێ پلان بۆ دانای، بریاره د ئێکه‌م گه‌شتیا وێ فرۆكێدا ب تنێ ئێک مووشه‌ك ڤەگۆهێزیی، ب سه‌ركه‌فتن د ئێکەم ئه‌ركێ خۆدا،پشتی هنگێ دێ مووشه‌کێن دیتر ڤەگۆهێزیت.
رێڤه‌به‌رێ كۆمپانیا دیزاینه‌ر یێ ڤێ فرۆکێ راگه‌هاندیە،کو ل نێزیكترین دەمدا ئەڤ كۆمپانیە دێ ڤێ فرۆكا نوو تاقی کەت و ل سالا 2019 ژی دێ ئێكه‌م گه‌شتا خۆ ده‌ست پێ کەت، هه‌روه‌سا پرۆژێ ڤێ فڕۆکێ ل سالا 2011 ده‌ست پێ كریه و ژ‌لایێ پۆلن ئالن ڤه بوویە،کو ئێكه ژ ده‌سته‌یا دامه‌زرێنه‌ر یێ كۆمپانیا مایكرۆسۆفت.