پیرێز پەیامەکا راستەوخۆ بۆ دیبالای ڤرێدکەت
ئەڤرۆ نیۆز،زنار تۆڤی:
فلۆرنتینۆ پیرێزێ سەرۆكێ یانا ریال مەدرید پەیامەکێ راستەوخۆی بۆ پاولۆ دیبالایێ ئەرجەنتینی و یانا یۆڤێنتۆس یا ئیتالی هنارتیە.
رۆژناما (دۆن بالۆن) یا ئیسپانی ئاشكرا كریە،کو پیرێزی پەیامەکا راستەوخۆ بۆ دیبالا هنارتیە و داخواز ژێ كریە بۆچوونا خۆ ئاشكرا بكەت دەربارەی پەیوەندیكرنێ ب یانا ریال مەدرید.
سەرۆكێ یانا ریال مەدرید د پەیاما خۆدا داخواز ژ دیبالای كریە کو بۆچوونا خۆ سەبارەت ب یاریكرنێ ل ناڤا یاریگەها سانتیاگۆ بێرنابیۆ رابگەهینیت،داکو ئەو ئامادەكاریا بكەن بۆ پێشكەشكرنا دەستەوارەیەكێ بۆ یانا یۆڤێنتۆس.
پیرێز دبێژیت دیبالا دێ بیتە باشترین یاریزان بۆ پرکرنا جهێ گاریس بێلی،کو ب ئەگەرێ هنگافتنێ ژ بەشەکێ زۆر یێ یاریێن یانا ریال مەدرید هاتیە دابرین.
وێ رۆژنامێ گوتیە،كو پیرێزی بریاردایە پشتی زانینا بۆچوونا دیبالای راستەوخۆ و ب فەرمی دێ دەستەوارەکێ پێشكێشی یانا یۆڤێنتۆس كەت.
