راهێنه‌ره‌كێ نوو بوو زاخۆ هاته ده‌ست نیشانكرن
دزاخۆ,هشیار دوبانكى:
پشتى بورینا چار حه‌فتیان ژ خولا پلا نایاب یا كوردستانێ سێ راهێنه‌ران ده‌ست ژ پوستێ خوه یێ راهێنه‌رى به‌ردا پشتى ل حه‌فتیا سیێ راهێنه‌رێ هه‌ولێر یوسف كاكى و ل ڤێ حه‌فتیێ هه‌ر ئێك ژ یونس ئه‌مین راهێنه‌رێ زاخۆ و یاسین مه‌ناف ژ نه‌وروز ده‌ست ژ كاركێشانا خوه راگه‌هاندى یه.
ئه‌مین یونس راهێنه‌رێ تیما ته‌پا پێ یێ یانا زاخۆ بۆ روژناما ئه‌ڤرۆ دیاركر پشتى زنجیره‌كا ئه‌نجامێن لاواز ئه‌وى ب فه‌رمى بریار دایه به‌رده‌وامى نه ده‌ته پوستێ خوه و ده‌لیڤه‌یێ ب ده‌ته راهێنه‌ره‌كێ دى هه‌ر چه‌نده كارگێریا یانێ ل سه‌ر ڤێ بریارێ نه یا رازیه لێ ئه‌و یێ رژده ل سه‌ر ئه‌وێ بریارێ ژبه‌ركو ئه‌و ژ ئاستێ یاریزانان نه یێ رازیى یه .
ژلایه‌كێ دویڤه ژێده‌ره‌كێ نێزیك ژ یانا زاخۆ ئاشكراكر كارگێریا یانێ ناجى عومه‌ر كو هاریكارێ راهێنه‌رێ ئه‌مین یونس بوو وه‌كو راهێنه‌رێ تیما خولا كوردستانێ ده‌ستنیشانكریه بوو ب رێڤه‌برنا یاریێن بهێت یێن خولا پلا نایابا كوردستانێ.
ئه‌مین یونس راهێنه‌رێ ده‌ست كاركێشاى
