ب وێنه میونیخ پێگوهورێ لیڤاندوفسكى دیتى یه
ئه‌ڤرۆ:
راپورتێن رۆژمامه‌ڤانى ل ئه‌لمانیا و ئنگلته‌را ئاشكراكرینه یانا بایرن میونیخ نوكه لێگه‌ریانا هێرشبه‌ره‌كێ خودان شیان دگه‌یت كو بشێت ل جهێ هێرشبه‌رێ وێ یێ پوله‌ندى روبرت لیڤاندوفسكى بگریت پشتى ل ماوێ چه‌ند رۆژێن بورى هاتیه دیاركرن كو گولكه‌رێ وێ بریاره ل دووماهیا ڤى وه‌رزى پێكهاتیێ یانا باڤارى ب جه بهێلت .
ئه‌وان رۆژناما دیاركریه ژى وه‌كو پێگوهوره‌ك یانا بایرن میونیخ ده‌ست ب لیڤاناكریه بۆ ئیمزاكرنا هه‌ڤبه‌ستێ ل گه‌ل ئێك ژ هێرشبه‌رێن به‌رنیاس نوكه ل جیهانى چه‌ند رۆژنامه‌یێن ئه‌لمانى و برێتانى دیاركرینه یانا باڤارى ئارمانجا خوه یا سه‌ره‌كى كریه یاریزانێ هه‌لبژارتیێ ئیسپانیا و یانا چێلسى ئه‌لڤارو موراتا .
جیم بالاجى شروڤه‌كارێ كه‌نالى سكاى سپورت یێ ئیتالى دیاركر یانا ریال مه‌درید هه‌مى شیانێن خوه ته‌رخانكرینه بوو ده‌ستڤه ئینانا هێرشبه‌رێ پوله‌ندى یێ یانا باڤارى و دبیت هه‌تا راده‌یه‌كێ مه‌زن ئه‌ڤ یاریزانه ل دووماهیا ڤى وه‌رزى په‌یوه‌ندى ب یانا ریال مه‌درید بكه‌ت و هه‌كه ئه‌ڤ چه‌نده هاته جه یانا بایرن میونیخ دێ یا نه‌چار بیت ب زیترین ده‌م هه‌ڤبه‌ستێ ل گه‌ل ئێك ژ هێرشبه‌رێن خودان شیان ل ئورۆپا ئیمزا بكه‌ت و به‌رپرسێن یانا ئه‌لمانى چه‌ندین یاریزان كرینه ئارمانجا خوه لێ ئارمانجا ئه‌وان یا سه‌ره‌كى هێرشبه‌رێ یانا چێلسى و هه‌لبژارتیێ ئیسپانیا ئه‌لڤارو موراتایه كو تایبه‌ت پشتى یانا چێلسى هزر ل ئیمزاكرنا هێرشبه‌رێ یانا پاریس سانجێرمان ئه‌دیسون كاڤانى دا كرى كو یانا له‌نده‌نى پێدڤى پاره‌كێ مه‌زنه هه‌تا بشێت كاڤانى ب ده‌ستخوڤه بینت و ئه‌وان ژى ئێك رێك هه‌یه ئه‌وژى موراتاى ب فروشن ل جهێ ئه‌وى كاڤانى بینه دناڤ رێزێن یانا خوه دا .
هه‌ژى گوتنێ یه موراتا ل ده‌ستپێكا وه‌رزێ 2017-2018 هاتیه دناڤ رێزین یانا چێلسى یا ئینگلیزى به‌رامبه‌ر 60 ملیون جێنى ئیسترلینى كو ل وه‌رزێ ئه‌ڤ ساله 35 یارى د گشت قاره‌مانیان دا ل گه‌ل یانا چێلسى پشكدارى كریه و شیایه 12 گول توماربكه‌ت و پێنج گولان ژى بوو هه‌ڤالێن خوه به‌رهه‌ڤبكه‌ت.
