زاخۆ دو یاریزانێن نوو ئینان و ئێكى ژى ره‌تكر
زاخۆ,هشیار دوبانكى:
كارگێریا یانا زاخۆ بۆ پتر ب هێز ئێخستنا پێكهاتیێ تیما خوه دخولا عیراقێ دا هه‌ڤبه‌ست ل گه‌ل دو یاریزانێن نوو ئیمزاكر ل سه‌ر داخوازیا راهێنه‌رێ تیمێ .
سه‌رپه‌رشتێ تیما ته‌پا پێ یا زاخۆ رزوان نازى د داخویانیه‌كێ دا بۆ رۆژناما ئه‌ڤرۆ دیاركر ئه‌و ب فه‌رمى گه‌هشتى نه رێككه‌فتنێ ل گه‌ل دو یاریزانێن دى بۆ كرنا یاریێ ل گه‌ل تیما مه ل یاریێن بهێت دا كو ئه‌وا هه‌ڤبه‌ست ل گه‌ل ئه‌ڤان یاریزانان ئیمزاكریه ل سه‌ر داخوازیا راهێنه‌رێ تیمێ پشتى ئه‌وى بوو كارگێریا یانێ دیاركرى ئه‌وى پێدڤى ب ئه‌ڤان یاریزانان هه‌یه.
هه‌ردیسان ناڤبرى ئاشكراكر ژى ئه‌و هه‌ردو یاریزانان ئه‌مجه‌د عه‌باس كو ل هێلا عێرشبه‌رى یاریێ دكه‌ت ئه‌نس مالك ل هێلا ناڤین و چه‌پى یاریێ دكه‌ت .
رزوان نازى ئاماژه ب وێ چه‌ندێ ژى كر ئه‌وان گه‌له‌ك بزاڤكرن بوو رازیكرنا یاریزانێ یانا ته‌له‌به و هه‌لبژارتیێ ئولومپى عیراقێ سامر بورغش بوو كرنا یاریێ ل گه‌ل پێكهاتیێ تیما زاخۆ ل یاریێن بهێت لێ یاریزان ل چركێن دووماهیێ داخوازیا یانا زاخۆ ره‌تكر پشتى یانا نه‌فت میسان كوژمه‌كێ باشتر و مه‌زنتر ژ یێ ئه‌وان پێشكێشى ئه‌وى كرى .
هه‌ردیسان ناڤبرى دیاركر ژى ئه‌و دێ هه‌مى شیانێن خوه ته‌رخان كه‌ن بوو هه‌ردو یاریێن بهێت بێ خوساره‌تى ڤه‌گه‌رنه باژێرێ زاخۆ راسته ئه‌و دێ ژ ده‌رڤه‌ى یاریگه‌ها خوه یاریێ كه‌ن لێ ئه‌و دێ یاریێ به‌رامبه‌ر هه‌ڤركیێن خوه كه‌ن نابیت ئه‌و خالان ژ ده‌ست بده‌ن و دێ هه‌مى شیانێن خوه ته‌رخان كه‌ین بێ خوساره‌تى ژ باكورێ عیراقێ ڤه‌گه‌رین.
