ب وێنه : حه‌فت راهێنه‌ر به‌ربژارن بوو ئه‌رسینال
ئه‌ڤرۆ:
راپورتێن رۆژنامه‌ڤانى ل برێتانیا دیاركرینه پشتى بورینا 22 سالان ل سه‌ر سه‌رپه‌رشتیا راهێنه‌ریا یانا ئه‌رسینال دبیت ئه‌ڤ ساله دووماهى سالا راهێنه‌رێ فه‌ره‌نسى ئه‌رسین فینگه‌ر بیت ژبه‌ركو ئه‌و نه‌شیا ئه‌وان ئارمانجێن یانێ دڤێن ئه‌ڤ ساله ژى ب ده‌ستخوڤه بینت تایبه‌ت پشتى وێ خوساره‌تیا ل ل ڤێ حه‌فتیێ ل گه‌ل یانا مانچسته‌ر سیتى ل دووماهیا كاسا ئینگلته‌را .
رۆژناما زه سه‌ن یا برێتانى ئاشكراكرینه یانا له‌نده‌نى حه‌فت راهێنه‌ر به‌ربژاركرینه پوستێ راهێنه‌ریا یانا ئه‌رسینال ل وه‌رزێ بهێت وه‌ربگرن ل جهێ راهێنه‌رێ نوكه یێ فه‌ره‌نسى فینگه‌رى پشتى ل وه‌رزێ ئه‌ڤ ساله ژى نه‌شیاى ئارمانجێن جه‌ماوه‌ر و یانا ئه‌رسینال بجهـ بینت و هه‌تا راده‌یه‌كێ مه‌زن ژى هیڤێن خوه ژ ده‌ست داینه بوو ده‌ستڤه ئینانا ئێك ژ پلێتێن ده‌ربازبوونێ بوو قاره‌مانیا چامپیونیز لیگ ل وه‌رزێ بهێت .
ئه‌و راهێنه‌رێن ئه‌وێ رۆژنامێ ئاشكراكرین ئه‌ڤێن خوارێ نه
ستێرا به‌رى نوكه یا ئه‌رسینال و هه‌لبژارتیێ فه‌ره‌نسا تێرى هێنرى
یواكیم لوڤ راهێنه‌رێ هه‌لبژارتیێ ئه‌لمانیا
لیوناردو گاردیم راهێنه‌رێ یانا موناكو
میكیل ئارتیتا ستێرا به‌رێ یا ئه‌رسینال و هاریكارێ راهێنه‌رێ نوكه یێ یانا مانچسته‌ر سیتى
برندان رودگرز راهێنه‌رێ یانا لیڤه‌رپول یێ به‌رى نوكه و سیلتیك یێ نوكه
راهێنه‌رێ به‌نیاس یێ ئیتالى كارلوس ئه‌نشیلوتى
پاولو فونسیكا راهێنه‌رێ یانا شاختار دونیتسك یا ئوكرانى
هه‌ژى گوتنێ یه ئه‌رسن فینگه‌ر ل سالا 1996 پوستێ راهێنه‌ریا یانا ئه‌رسینال وه‌رگرتى یه و هه‌تا نوكه ل گه‌ل ڤێ یانێ یێ به‌رده‌وامه و ل سه‌ر ده‌ستێ ئه‌ڤى راهێنه‌رى د ماوێ 22 سالێن بورى دا ئه‌رسینال سێ جاران ناسناڤێ خولا ئنگلته‌را ب ده‌ستخوڤه بریه.
