د نرخێ دا حیلێ بكه به‌س نه د كه‌ره‌ستی دا!!
په‌نده‌كه دهێته‌گۆتن واته بكڕ باشتر دخوازیت بهێته خاپاندن د نرخا تشتی دا ئه‌وێ دكڕیت كو پاره‌كێ زۆر بده‌ت ل به‌رامبه‌ر كه‌ره‌سته‌ی،یا گرنگ بۆ وی ئه‌وه كو تشت یێ ساخله‌م بیت و باش و موكم بیت، ئه‌ڤ چه‌نده پتر ژ هندێ كو تشته‌كێ خرابوویی بكڕیت كو زیانێ بگه‌هینته ساخله‌میا وی و خێزانا وی،ب نموونه ل ده‌مێ ئه‌ز ل كوردستانێ، من هنده‌ك كه‌ره‌ستێن ئه‌لمانی دیتین ل بازارێن وێ،ده‌مێ من پسیارا بهایێ وێ كری، ئه‌ز ڤه‌جنقیم كو چه‌ندین جاران پتره نێزیكی 15 جاران پتره ژ وی بهایێ كو ل ئه‌لمانیا دهێته فرۆتن، (شامپۆ BALEA ) بهایێ وی 15 هزار دینار بوون و (كریما BALEA) بهایێ وێ 2. 50 یۆرۆ بوون دهاته فرۆتن ب 35 هزرا دیناران،هه‌روه‌سا خوارنێن ئورۆپی ژی دهاتنه فرۆتن ب دوجاركی بهایێ خوه) لێ ئه‌ڤ كه‌ره‌سته یا ساخله‌مه و ل دووڤ مه‌رجێن پێدڤی یه بۆ بكارئینانا مرۆڤی، ل گه‌ل وێ چه‌ندێ كو هه‌ستكرن ئه‌وه‌كو خه‌لكه‌ك هه‌یه دێ كه‌یسا خوه ل ته گرن، تشته‌كێ گه‌له‌كێ ب زه‌حمه‌ته چونكو، به‌لایه‌یه‌كه و بۆ ته هاتیه، ده‌مێ كو ته چو رێیێن دیتر نه‌بن، چونكو بارودۆخ مه نه‌چار دكه‌ن كو ته‌حمولا تشتێ سه‌خت بكه‌ین دا یا سه‌ختتر بسه‌ر مه دا نه‌هێت، لێ چاوایه هه‌كه تو نه چاربووی و گه‌له‌ك جاران كو بهایه‌كێ مالی یێ یێ زۆر بده‌ی ل به‌رامبه‌ر تشته‌كێ خرابووی؟! به‌لێ ئه‌ڤ جۆرێ گه‌نده‌لیێ هه‌یه ل پرانیا وه‌لاتێن رۆژهه‌لاتێ ژ وان ژی عیراقه خوه هه‌تا گه‌هشیه ده‌رمانان ژی، سه‌ره‌رای هندێ فه‌ره ده‌رمان بیت ونه ك ده‌رد بیت، ئه‌ڤجا ل هه‌رێما كوردستانێ ل ڤان داویان چه‌ندین نه‌خشی به‌ربه‌لاڤبووینه، پتریا وان ژی دگه‌دی و رووڤیكان دانه، چنكو تووشی خوارنا ئێكسپایه‌ر بووینه بره‌نگه‌كێ نه‌راسته و خوه ب هه‌ر خورانه‌كا خرابوویی بیت یان ده‌م ب سه‌ر ڤه‌چوویی، له‌ورا نیشان
ل سه‌ر دیار دبن به‌ری كول سه‌ر ئه‌ندامێن دیتر یێن له‌شێ مرڤی دیار دبن، نۆشداره‌كێ نشه‌رگه‌ریان یێ خانه‌نشین ل ئنگلته‌را نها ده‌وامێ دكه‌ت ب نه‌خۆشخانه‌كا هه‌ولێری، نیگه‌رانیا خوه یا مه‌زن دیاركر ل هه‌مبه‌ر هه‌ژمارا مه‌زن نه‌خۆشان یێن سه‌ره‌دانا وی دكه‌ن ژ به‌ر ئیشێن خوه یێن گه‌دی، هه‌روه‌سا گۆت كو ئه‌ڤرێژه ره‌نگڤه‌دانا جۆراتیا خورانان دكه‌ت وهه‌روه‌سا جراتیا وی جلكێ دكه‌نه به‌ر خوه، به‌لێ ئه‌ز ژی ته‌كه‌ز دكه‌م كو ئه‌ڤه ئه‌گه‌رێ سه‌ره‌كی یه یێ وان ئێشانان،چونكو پرانیا كه‌ره‌سته‌یێن ل بازاران یان ئێكسپایه‌رن یانژی بكێر ناهێن یان مه‌رجێن ساخله‌م نینن یانژی هه‌ردو پێكڤه!! ئه‌ڤ ئاریشه پێدڤی ب پشته‌ڤانیا وه‌لاتیان و حوكمه‌تێ یه كو رێ لێ بگریت، گرنگه وه‌لاتیی بازرگان به‌س خوه قه‌لس بكه‌ت ویێ بكڕ ژی هه‌ڤبڕیێ بكه‌ت چه‌ندی بكاریت،لێ حوكمه‌تێ بارێ هه‌ری گران دكه‌ڤیته سه‌ر ملان كو ل هه‌بمره ڤان بازرگانان براوه‌ستێت ب هه‌می شێوازێن قانوونی و به‌ركاربه‌ران ژێ بپارێزیت.
و: ئه‌ڤرۆ
