بەری موندیالێ ئاریشەکا دی بۆ ئەرژەنتین پەیدابوو
ئەڤرۆ:
گولچیێ یانا مانچێستەر یوناید و ھەلبژارتیێ ئەرژەنتین سێرجیو رومێرو توشی ھنگافتنەکا گران بوو پێشبینی دھێتەکرن بۆ ماوەکێ درێژ ژ یاریگەھان دورکەڤیت و ستاڤێ راھێنەریا ھەلبژارتیێ ئەرژەنتین دیارکریە ئەو نەشێت بۆ موندیالێ پشکداری ل گەل ئەوان بکەت و ل جھێ وی گولچیەکێ نوو داخوازی پێکھاتیێ ھەلبژارتیێ ئەرژەنتین کریە .
رۆژنامەیێن ئەرژەنتینی دیارکریە راھێنەرێ ھەلبژارتیێ ئەرژەنتین سامپاولی گولچیێ یانا تێگریس یا مەکیسکی ناویل گوزمان داخوازی پێکھاتیێ ھەلبژارتیێ ئەرژەنتین کریە ل جھێ رومێروی ئەوێ ل شەڤا بوری توشی ھنگافتنەکا گران بووی و ئەوان رۆژناما ئاشکراکریە ژی راھێنەرێ ھەلبژارتیێ ئەرژەنتین نوکە کەڤتیە ئاریشەکا مەزن دا ژبەرکو ئەوی پشت بەستنەکا مەزن ل سەر گولچیێ یانا مانچستەر یوناید رومێروی کربوو ژبەرکو ھەردو گولچیێن وی یێن دی ھەر ئێک ژ ویلی کابێرو یێ یانا چێلسی بتنێ دو یاریێن نیڤدەولی ھەنە و فرانکو ئارمانی ژ رێڤەرپلێت ھەتا نوکە چو یاریێن نیڤدەولی نین و ئەڤ چەندە دێ بیتە ئاریشەک د موندیالێ دا لەورا ئەوی ناویل گوزمان داخوازکریە کو بەری نوکە ئەو ھاتبوو داخوازکرن و ئەوی ژی بتنێ ئێک یاری کریە ئەوژی ل سالا ٢٠١٥ بوو بەرامبەر ھەلبژارتیێ سنگافورا و چاڤەرێ دھێتەکرن ل یاریا بھێت یا ھەلبژارتیێ ئەرژەنتین بەرامبەر ھایتی ل ٢٩ ڤێ ھەیڤی وەکو گولچیەکێ سەرەکی یاری بکەت .
سێرجیو رومێرو
ناویل گوزمان