ئاگر به‌ربوو تانكه‌ره‌كێ گازێ و كه‌سه‌كێ گیانێ خوه ژ ده‌ست دا
ئه‌ڤرۆ نیوز:
ئێڤاریا ئه‌ڤرۆ ژئه‌گه‌را ته‌قینا تانكه‌ره‌كێ گازێ ل كارگه‌هه‌كا چه‌كلێ ل ناحیا قه‌سرۆك كه‌سه‌كێ گیانێ خوه ژ ده‌ست دا و تانكه‌ره‌كا گازێ ژى هاته سووتن.
فیراس یاسین ژ به‌ره‌ڤانیا باژێرى ل ئاكرێ بۆ ئه‌ڤرۆ نیوز گۆت: (ئه‌ڤرۆ ئێڤارى ده‌ردورێن ده‌مژمێر 5:45 خوله‌ك ئاگر به‌ربویه كارگه‌هه‌كێ ل ناحیا قه‌سروك و د ئه‌نجام دا كه‌سه‌ك ب گرانى برینداربوو و ئاگر ژى به‌ربویه تانكه‌را گازێ و زیان ب كارگه‌ها چه‌كلێ ژى كه‌فت)
زێده‌تر گۆت: (بریندارێ رودانێ بو نه‌خوشخانا ته‌نگاڤیان ل ئاكرێ هاته ره‌وانه‌كرن و ئاگرى ژى هاتیه كونترولكرن ، به‌لێ پشتى دوو ده‌مژمێران بریندارى گیانێ خوه ژ ده‌ستدا ، روودان ل ده‌مه‌كێ درۆست بوویه كو تانكه‌را دانایى ته‌قینه)
ب گوره‌ى زانیاریان ئه‌و كه‌سێ گیانێ خوه ژ ده‌ستدایى خه‌لكێ ناحیا كه‌له‌كچى یه و وه‌كو كرێكار ل كارگه‌ها چه‌كل و خیزى كاردكر.