كرواتیا سه‌ركه‌فتنه‌كا ب ساناهى توماركر
ئه‌ڤرۆ نیوز، زنار:
د یاریێن كوما چارێ دا هه‌لبژارتیێ كرواتیا سه‌ركه‌فتنه‌كا ب ساناهى لسه‌ر هه‌لبژارتیێ نێجیریا توماربكه‌ت ب دو گۆلان بێ به‌رامبه‌ر.
د نیڤا ئێكێ دا هه‌لبژارتیێ كرواتیا شیا كونترولا یاریگه‌هێ بكه‌ت و ئاسته‌كێ باشتر ژ هه‌لبژارتیێ نێجیریا هاته دیتن و شیان فشاره‌كا مه‌زن لسه‌ر گۆلا نێجیریا په‌یدابكه‌ن و ئه‌ڤ چه‌نده ژى هه‌تا راده‌یه‌كێ مفایێ خوه هه‌بو ژ به‌ركو ل ده‌قیقه‌یا 32 د ته‌په‌كا بلند دا ب خه‌له‌تیڤه یاریزانێ نێجیرى ئیتیبو گۆله‌ك لسه‌ر وه‌لاتێ خوه توماركر و نیڤا ئێكێ ب پێشكه‌فتنا كرواتیا ب گۆله‌كێ بێ به‌رامبه‌ر ب دوماهى هات.
د نیڤا دویێ دا هه‌لبژارتیێ كرواتیا به‌رده‌وامى دا ئاستێ خوه یێ باش و شیان گۆلا دویێ ژى ب رێكا لوكا مودرێچ ل خوله‌كا 71 تومار بكه‌ت، پشتى ڤێ گۆلێ چو ژ ئه‌نجامێ یاریێ نه هاته گوهۆرین و یارى ب سه‌ركه‌فتنا كرواتیا ب دو گۆلان بێ به‌رامبه‌ر ب دوماهى هات.
