زاخۆ ئه‌ڤرۆكه یاریه‌كا گرنگ یا هه‌ى د خولا عیراقێ دا
ئه‌ڤرۆ نیوز، زنار زوبێر:
بریاره ئه‌ڤرۆ تیما ته‌پا پێ یانا زاخۆ یاریه‌كا بهێز ژ گه‌را 32 یا خولا عیراقێ یا ته‌پا پێ بۆ یانێن نایاب لگه‌ل یانا نه‌فت یا به‌غدا بكه‌ت ل ده‌مژمێر چار و نیڤ ئێڤارى ل یاریگه‌ها زاخۆ یا نیڤده‌وله‌تى.
ئه‌ڤ یاریه هه‌تا راده‌یه‌كێ مه‌زن دێ بۆ یانا زاخۆ یا گرنگ بیت ژبه‌ركو نوكه ل رێزا دوماهیێ یا خولا عیراقێ دهێت ب هه‌ڤده خالان و پێدڤى ب سه‌ركه‌فتنێ یه د ڤان یاریێن بهێت دا ئه‌گه‌ر بڤێت مانا خوه د خولا عیراقێ دا مسوگه‌ر بكه‌ت و دانه‌كه‌ڤیته پله ئێك لێ ئه‌ڤ چه‌نده یا ب ساناهى نابیت ژبه‌ركو مێڤانا وێ یانا نه‌فت ژ یانێن بهێزه ل سه‌ر ئاستێ عیراقێ و نوكه رێزا چارێ دهێت ب 65 خالان و هه‌ڤركیێ دكه‌ت بۆ باشتر كرنا هه‌لویستێ خوه و ناسناڤێ خولێ.
