ب وێنە:فرەنسا بێ ئاست سەرکێشیا کومێ پاراست و پیرو سەرکەفتنا ئێکێ تومارکر
ئەڤرۆ نیوز:
بەری دەمەکێ کێم ھەردو یاریێن کوما سێ ژ گەرا سێ ژ قوناغا کومان یاموندیالا روسی ب دووماھیی ھاتن و ھەردو ھەلبژارتیێن فرەنسا و دانیمارک شیان پلێتا دەربازبوونا ڤێ کومێ ب دەستخوڤە بینن پشتی د یاریا خوە دا بێ گول وەکھەڤبووین و ھەردو ھەلبژارتیێن ئوسترالیا و پیرو موندیال ب جھئێلا .
د یاریا دناڤبەرا ھەردو ھەلبژارتیێن فرەنسا و دانیمارک ئەوا بێ گول ب دووماھیی ھاتی کو ئێک ژ بێزارتیرین یاریێن موندیالا ئەڤ سالە بوون ھەتا نوکە ھاتیە ئەنجامدان و ب ڤی ئەنجامی ھەردو ھەلبژارتیی دەربازی قوناغا ١٦ بوون کو فرەنسا ب حەفت خالان وەکو سەرکێشا کومێ و دانیمارک ب پێنج خالان ل رێزا دوێ دەربازبوو.
ژلایەکی دیڤە ھەلبژارتیێ پیرو سەرکەفتنا خوە یا ئێکێ ل ڤێ موندیالێ تومارکر پشتی ب سەرکەفتی ل سەر ھەلبژارتیێ ئوسترالیا ب دو گولان بێ بەرامبەر و ب ڤی ئەنجامی ھەردو ھەلبژارتیا موندیال بجھێلا کو پیرو ب سێ خالان ل رێزا سیێ و ئوسترالیا ب خالەکێ ل رێزا چارێ ھات.
