زاخۆ دێ بزاڤێ کەت ئەڤرۆ جەویە خوسارەت بکەت
ئەڤرۆ نیوز:
بریارە ئەڤرۆکە د ناف ئەرد و جەماوەرێ خوە دا یانا زاخۆ دێ مێڤانداریا بھێزترین یانا عیراقێ یانا جەویە کەت ژ چار چوڤێ یاریێن گەرا ٣٤ ژ خولا نایابا عیراقێ یا تەپا پێ بۆ یانێن پلا نایاب.
ل یاریگەھا زاخۆ یا نێڤدەولەتی تیما تەپا پێ یا زاخۆ دێ مێڤانداریا یانا جەویە کەت بۆ ڤێ یاریێ یانا زاخۆ پێدڤی ب سەرکەفتنێ یە پێخەمەت باشترکرنا ھەلویستێ خوە د خولێ دا، داکو دانەکەڤیتە خولا پلە ئێک لێ ئەڤ چەندە یا بساناھی نابیت ژبەرکو یانا جەویە ھەڤرکیێ دکەت بۆ بدەستڤە ئینانا ناسناڤێ خولێ و پشکداری د قارەمانیێن دەرڤە کو دێ ب ھەمی ھێز و شیانێن خوە یاریێ بۆ سەرکەفتنێ کەن سەرەرای ھێزا یاریزانێن تیما جەویە لێ چو تشت محال نینە بەرامبەر یاریزانێن زاخۆ ئەگەر پشتەڤانێن وێ ئامادەبن د ڤێ یاریێ دا بۆ پشتەڤانیا یانا خوە.