مفایێن برۆكلى یێ بزانە
ئەڤرۆ نیوز ، تۆڤی:
برۆكلی ئێكه ژ وان خوارنێن کو مەزنترین كاریگه‌ری هه‌یه بۆ سه‌ر چاره‌سه‌ریا نه‌خۆشیا پەنجەشێرا مه‌مكان، لەوما ب گیایێ ل دژی پەنجەشێرێ هاتیە ب ناڤکرن.
برۆكلی ئێكه ژ وان خوارنێن رووه‌كی یێن مفا باخش و هەکە ب شێی رۆژانه ب خۆی و ل گه‌ل زه‌لاتێ و خوارنان دا تێكه‌ل بكه‌ی، د ئه‌نجامدا دێ بییه خودان له‌شەکێ ساخلەم و دێ ژ گەلەک نه‌خۆشیان هێیە پاراستن، ئەڤە مفایێن بروکلی نە.
. ئێكه ژ وان خوارنێن کو رێگریێ ل پەنجەشێرێ دکەت و رۆلەکێ به‌رچاڤ هه‌یه د به‌ر‌هنگاربوونا وێدا.
.سیستەمێ به‌رگریا له‌شی ب هێز دئێخیت.
. برۆكلی ب ئەگەرێ پێكهاتێ وێ یێ ریشالی باشترین خوارنە بۆ دابه‌زاندنا كێشێ و حەلاندنا دوهنی د له‌شیدا و ب‌تایبه‌ت بۆ خانمان.
.برۆكلیێ رێژەکا زۆر یا ترشێ دوهنێ ئۆمێگا سێ تێدا هەیه كو ب دژی هه‌وكرنێ یێ ناسیارە، كو له‌شی ژ هه‌ستیاریێ دپارێزیت.
. یا گرنگه بۆ ساخلەمیا هەستیان و پاراستنان وان.
.دشێت رێگریێ بکەت ژ وان زیانێن تووشی بوریکێن خوینێ دبن، ب ئەگەرێ هەبوونا شه‌كرێ د خوینێدا و رێكخستنا رێژا یه‌كسانیا شه‌كرێ د خوینێدا.
. ب ئەگەرێ هەبوونا مادێ ریشالی هاریکریا هێرانێ دکەت و قه‌بزیێ ناهێلیت.
. مرۆڤی ژ گەلەک خوارنێ و قه‌لەویێ ده‌پارێزیت.
