دبیت رودریگێز خارترا خوە ژ موندیالێ بخوازیت
ئەڤرو نیوز:
یاریزانێ ھەلبژارتیێ کولومبیا خامێز رودریگێز دبیت ھەتا دووماھیا موندیالێ ژ یاریان دورکەڤیت پشتی د یاریا بوری یا وەلاتێ خوە دا توشی ھنگافتنێ بوی دگەل ھەلبژارتیێ سینیگال د یاریێن قوناغا کومان دا.
رۆژنامەیێن کولومبی ئەڤ پەیامە بەلاڤ کریە و دیارکریە بۆ یاریا بھێت یا ھەلبژارتیێ کولومبیا دگەل ھەلبژارتیێ ئنگلتەرا خامێز رودریگێز یاریێ ناکەت پشتی توشی ھنگافتنێ بوی د یاریا ھەمبەر ھەلبژارتیێ سینیگال دا و ئەڤ چەندە ژ لایێ نوشدارێن کولومبی ئێکلابویە، لێ ھەکە ئەو چارەسەریا بۆ رودریگێز ھاتیە دانان چارەسەر نەبوو دبیت ھەتا دوماھیا موندیالێ ھنگافتنا وی ڤەکێشیت.
ژلایێ خوە ڤە راھێنەرێ ھەلبژارتیێ کولومبیا پێکرمان دلتەنگیا خوە ھەمبەر ھنگافتنا رودریگێزی دەربری و دیارکر دێ ڤالاتیەکا مەزن د پێکھاتێ کولومبیا دا پەیداکەت دیاریا بھێت یا قوناغا شازدێ یا موندیالێ دا و کەس نەشێت جھێ ڤی یاریزانی پر بکەت، لێ ھەر چاوا بیت گرنگ ئەوە ڤێ یاریا ب زەحمەت ھەمبەر ئنگلتەرا ب سەرکەفتیانە ب دووماھی بینن و دەربازبین.