گۆلكارێ هه‌لبژارتیێ سوید به‌حسێ هه‌ڤژینا خوه یا كورد دكه‌ت
ئه‌ڤرۆ نیوز:
ئێمیل فۆسبێرگ، یاریزانێ هه‌لبژارتیێ سوید كو نها د جاما جیهانی دا ل رۆسیا یاریێ دكه‌ت و گوله‌كا سه‌ركه‌فتنێ بۆ سوید كرییه، د دیداره‌كێ دا د گه‌ل كه‌نالێ (theplayerstribune) چه‌ندین نهێنی ل دۆر ژیانا خوه ئاشكرا كرن و ب باشترین ره‌نگ په‌سنا هه‌ڤژینا خوه كو ژ هه‌رێما كوردستانێ یه ب ناڤێ شه‌نگه دكه‌ت.
فۆسبرگ دانپێدانێ دكه‌ت كو ئه‌و هزره‌ك و رێزه‌كا مه‌زن بۆ شه‌نگه‌یێ ددانیت و شرۆڤه‌كرنێن وێ یێن وه‌رزشی درست ده‌ردكه‌ڤن ژبه‌ركو ئه‌و ژی به‌ری نها یاریزانا یانه‌كا سوید یا ژنان بوو و نها یا بدوگیانه، فۆسبێرگ شه‌نگه وه‌ك ” زه شێریف” ب ناڤ دكه‌ت هه‌ر وه‌كی ل كوردستانێ هنده‌ك ب ترانه ڤه و بۆ سوحبه‌ت هه‌ڤژینێن خوه ب “وه‌زاره‌تا ناڤخۆ” ناڤ دكه‌ن.
ئه‌ڤا ل خارێ هنده‌ك ژ ده‌قێ ئاخفتنێن وی نه د دیدارێ دا ب ناڤۆ نیشانێن ” زه شێریف”:
ده‌مێ ئه‌ز یاریێ باش نه‌كه‌م ئه‌ز بتنێ ژبه‌ر ئه‌گه‌ره‌كی توشی (ته‌وه‌ترێ) دبم ژبه‌ركو ئه‌ز دزانم ده‌مێ ئه‌ز بشه‌ڤ دزڤرمه ڤه دێ كۆمبوونه‌ك ژ ئالیێ شێریفێ ڤه ل من هێته كرن.
براستی هنده‌ك جار كۆمبوونه‌كا تونده و ئه‌و دێ بێژیت:
“تو كاره‌سات بووی”
“ته هه‌بوونا خوه د یاریێ دا هه‌بوو؟”
“ته بۆچ وێ جارێ غاردان نه‌كر؟”
“تو بسه‌رێ خوه ما دبێژنه وێ ژی كۆرنه‌ر ئه‌وا ته لێدای؟”
شێریف گه‌له‌ك تۆره دبیت، كه‌سێ نه‌ڤێت ل وی ده‌می ل شوونا من بیت، ئه‌ز باش زانم كه‌س وه‌كی من وێ نانیاسیت، مانێ هه‌ڤژینا منه.
ئه‌ز ترانا ناكه‌م، هه‌لسه‌نگاندنێن وێ گه‌له‌ك جدی نه، ئه‌ز ژی ب جدی وه‌ردگرم، ئه‌ز پترییا جارا د گه‌ل شرۆڤێن وێ دا مه، ئه‌ز دشێم به‌رسڤا وێ بده‌م لێ تو دزانی هه‌ڤژینی چاوایه، من چ ده‌لیڤه نینه.
تشتێ گرنگ، هه‌ڤژینا من شه‌نگه فۆرسبرگه، یاریزانا به‌رێ یا یانا لیپزیگ و هه‌لبژارتیێ ژنان یێ سوید، باوه‌ر بكه ئه‌و پتر من ته‌ماشای ته‌پانێ دكه‌ت.
د راستیێ دا وێ ئه‌ز كریمه ئه‌و یاریزانێ نها تو دبینی، وێ و وه‌كیلێ من یێ ته‌پاپێ، به‌ری ئه‌ز وان بنیاسم ئه‌ز زارۆكه‌كێ شه‌رمین بووم ل باژێركێ سوندڤال ل باكۆرێ سوید، هه‌می سوید وه‌ك وه‌لاته‌كێ ئارام و بێده‌نگ دنیاسن، لێ ل باكۆری ژ ئالیێ كه‌سایه‌تیێ ڤه ئه‌م دگرتی نه ژی، باشۆرێ سوێد پتر ڤه‌كری نه.
ل ده‌مێ ئه‌ز 14 سال ئێكه‌م ره‌تكرنا خوه ژ یانه‌كێ من وه‌رگرت ژبه‌ركو گۆته من به‌ژنا ته وه‌ك پێدڤی یا بلند نینه، هه‌ر وێ سالێ من شه‌نگه نیاسی، دایبابێن وێ ژ كوردستانێ نه، خه‌لكێ كوردستانێ وه‌كی ڤێره د گرتی نینه، هه‌كه‌ر ئاریشه‌ك هه‌بیت رووبروو دبن، ده‌مێ دخوازن تشته‌كی ببێژن ئه‌و دبێژن، شه‌نگه ژی یا وه‌سایه، یا تونده و ژ كه‌سێ ناترسیت، ژبه‌ر هندێ ئه‌ز دبێژمێ (شێریفا بچووك)
هه‌ر هنگی وێ ئه‌ز پالدام باشتر بم و توندتر بم.
