%60 کارگەھێن ھەرێمێ ژ کارکەفتی نە
ئەڤرۆ نيوز:
ئەندامەکێ پەرلەمانێ کوردستانێ دیار کر کو سێ ھزار و 600 کارگەە ل ھەرێما کوردستانێ ھەنە، ژ وان دو ھزار و 100 کارگەە ژ کار کەفتینە کو ھەموو کارگەھێن حکومی و کەرتێ تایبەتن و کارگەھێن بچووک و مەزن د ھەموو بیاڤێن جودا، ئانکو 60% ژ کارگەھێن کوردستانێ ژ کار کەفتینە.
د. خەلەف ئەحمەد، ئەندامێ پەرلەمانێ کوردستانێ خویا کر کو وان بەری نوکە چەندین جاران ل گەل حوکمەتا ھەرێما کوردستانێ کومبوون ئەنجامداینە بۆ دیتنا چارەکێ بۆ کارگەھێن ژ کار کەفتی و گۆت: “مە راپۆرتێن خوە بۆ جھێن پەیوەندیدار بلندکرینە و جڤاتا وەزیران ژی بڕیار دابوو و وەزارەتا پیشەسازی ھاتبوو راسپاردن کو چارەکێ بۆ ئەڤان کارگەھێن ژ کارکەفتی بینیت، ئەو ژی ب سێ شێوازان: یان کارگەە بھێنە فرۆتن بۆ کەرتێ تایبەت یان ب کرێ بدەنە کەرتێ تایبەت یانژی کارگەە کارێ خوە ل گەل کەرتێ تایبەت ب ھەڤرا بکەن”.
وی ئەندامێ پەرلەمانێ کوردستانێ گۆتژی: “بڕیار کەفتیە د بیاڤێ ب جھئینانێ دا، لێ وەکو پێدڤی نەکەفتیە کاری، مە دڤێت پتر رۆلێ خوە بگێڕیت و پتر گەنجێن مە ژی بکەڤنە کاری”.