ههلبژارتنێن پهرلهمانى و دهواتا دو رێزى
سالار دۆسكى
دهمهكه ههموو پارت و ئالیێن و قهوارێن سیاسى ل كوردستانێ مژوولى بهرههڤیێن ههلبژارتنێن كوردستانێ نه كو ژڤانه 30 ئیلۆلا ئهڤ ساله برێڤه بچن، ههر ژ نها ناڤێن هندهك كهسان د ناڤ جاده و كولانێن باژێرى دا دیاربووینه كو بهربژارێن فلان پارتێ نه و هندهك ژى بخوه وهستا گهرن كو ناڤێ وى ژى بچیته د ناڤ كاندیدان دا و ئهو ژى ژڤێ خێرێ بێ بههر نهبیت، بهێته بهر بهحس و خهبران، تۆرا جڤاكى یا فهیسبووكێ ئهڤرۆ ههموو سنۆر بهزاندینه و ههر ههموو ههڤال دۆست د ئێك ژووردا كۆم كرینه، لهوما گهلهكا ژى ئهڤه ب دهلیڤه دیتى یه خوه د فهیسبووكى دا بهربژار بكهن و پرسیار بكهن ما نه ژى ههژى مه ببمه ئهندام پهرلهمان؟، پهیچ ب ناڤى وى بهێنه دروستكرن و پشتهڤان دروست بن و هندهكێن دورین وى ب فهربینن ناڤێ وى دیار بكهن و ژ ههژى ڤى پۆستى بینن و ژنوو بیته جامێر لایك و كۆمێنت ژێ نه بۆرن ههر چ بهلاڤ بكهى، ئهو پشكداربیت تێدا، ئهڤى پۆستى پهیچێن فهیسبووكى گهلهك بیرهاتنێن زارۆكینیێ ئینانه بیرا من، دهمێ دچووینه پێش دههواتان دهمێ ل ناڤ تاخان دا دهاتنهكرن كو سێ شهڤ و سێ رۆژا بوون، دهمێ كهسهكى ستران گۆتبانه و دهنگێ ویێ نهخۆش با، دبیت كهس نهچوو دههواتێ یان دا دههواتێ بهردهن، ئهڤجا سترانبێژ دا گازى كهت ههرنه دههواتێ یان دهمێ ئاههنگهكێ سترانبێژهكى ستران گۆتبان و دهنگێ ویێ نهخۆش با و كهسهكێ گوهدارى نهكربا دا بێژیت دهست دهست ئانكو دهستا ل گهل دهنگێ وى ب قوتن، ئهز بێژم ههكه دهنگێ تهیێ خۆش با و شولا ستران گۆتن بان دا دهنگێ ته دهستێن مه و ملێن مه ههژینت پێدڤى ب تهنهكر كو بهر سترانێ را ههر بێژى كا دهستێن وه و دهستا ب قوتن و وهرنه دههواتێ، دێ بێژمه ڤه گهلى ههڤالان من چ مهرهم ب ڤێ نڤێسینێ نین لێ بیرهاتنهك ههوه ئینا بیرامن یا زارۆكینیێ، لهوما دێ بێژم ههكه تو كهسهكێ ژ ههژى و چالاك و زیرهك و شوونتبلێن ته دیارن و دێ شیى خزمهتهكێ كهى، پێدڤى ناكهت تو خوه كاندید بكهى ل فهیسبووكى و سینگێ خوه دهربێخى، بهلكو ههكه ژ ههژى ڤى پۆستى بى دێ هێنه بهردهرگههێ ته و دێ گازى تهكهن و ب ئهڤێ بۆچوونا تهیا فهیسبووكى كو حهز كهى بهێیه ههلبژارتن، تو وهك هونهرمهندێن دهنگ نهخوهش ئهوێن نهشێن ههست و دهستێن خهلكى بلڤینن و بێژن دهستان بقوتن، گازى كهى ئهز و ئهز، ههكه ته گوهۆرینا جڤاكى دڤێت و خزمهتا خهلكى گهلهك دهرگهه ههنه، لێ نوكه روهورن و دیار بوویه چوونا پهرلهمانى ژ بهر خزمهتا كێ یه و یا چیه نموونه دیارن.
