سەرۆکێ فەنزویلا ژ بزاڤەکا کوشتنێ رزگاربوو
ئەڤرۆ نیوز ، زنار تۆڤی:
سەرۆکێ فەنزویلا نیکولاس مادورو ژ بزاڤەکا کوشتنێ رزگاربوو، پشتی کو فرۆکەکا بچووک یا بێ فرۆکەڤان ل نێزیکی وی هاتیە تەقاندن.
خورخی رۆدریگێز وەزیرێ راگەهاندا فەنزویلا راگەهاند، کو ل دەمێ ئەنجامدانا مەراسیمەکا سەربازی ل کاراکاسیا ل پایتەختێ وەلاتێ فەنزویلا ب رێیا چەند بۆمبەیێن چاندی بزاڤا تیرۆرکرنا نیکولاس مادورو سەرۆکێ فەنزویلا هاتەدان، بەلێ ئەو ژ ئەڤێ بزاڤێ رزگاربوو.
هەروەسا گۆتیە، فرۆکەکا بێ فرۆکەڤان کو هەلگرا مادێن تەقینان بوو، ل نێزیک مادورو تەقی و لدووڤ دا ل چەندین جهێن دی یێن مەراسیمێ تەقین روودان.
ئەو ژی دیار کریە، کو ژ ئەنجامێ وێ روودانێ چەندین سەرباز برینداربووینە و بۆ نەخوشخانێ هاتینە ڤەگوهاستن.