ب ڤێ رێکێ چارەسەریا چریا ناڤ چاڤێن خوە بکە
ئەڤرۆ نیوز ، زنار تۆڤی:
ب چر چوونا ناڤ چاڤان ئاشکراترین نیشانا مەزنبوونا ژیێ مرۆڤێ یە، لەوما دێ چەندین رێکێن سرۆشتی دیارکەین بۆ چارەسەرکرنا چریا ناڤ چاڤان.
.دوور بکەڤە ژ جگارە کێشانێ:
وەک دزانین کو جگارە کێشان ئێکە ژ سەرەکیترین هۆکارێن دەرکەفتنا چریا پێشوەخت، لەوما ب تەمامی خوە ژێ دوور بکە، ژبەرکو کۆلاجینا پیستی تێک دشکێنیت ب تایبەتی ل ناڤ چاڤاندا.
. دژی هەتاڤێ ب کاربینە:
هەردەم ملحەما دژی هەتاڤێ بۆ ناڤچاڤێن خوە ب کاربینە، چونکی ناڤ چاڤ زوو ناهێنە سوتن ل بەر هەتاڤێ.
. خەوەکا باش بکە:
پێدڤیە مرۆڤ رۆژێ حەفت دەمژمێران بنڤیت، چونکی ل دەمێ نڤستنێ دا لەش چەند هۆرمۆنان دەردئێخیت و هاریکاریا پیستی دکەت و چریێ کێم دکەت، هەروەسا ل سەر زکی نەنڤە، داکو زیان نەگەهیته پیستێ ناڤ چاڤێن تە.
.پیستێ خوە ب کریمێ مەساج بکە:
چەندین بەرهەم و کریم هەنە هاریکاریا پیستی دکەن، کو درەنگ ب چر بچیت، لەوما وان بەرهەمان ب ناڤ چاڤێن خوە بدە و باش مەساج بکە، دێ مفایەکێ باش ژێ بینی.
.یۆگایێ ئەنجام بدە:
راهێنانێن یۆگایێ هاریکاریا ڤەگوهاستنا ئۆکسجینی ددەن بۆ خانێن ناڤچاڤان و ژ تێکشکاندنی دپارێزیت، لەوما حەفتیێ دوجاران ئەنجام بدە.
