ئەف سالە کێم تر ژسالێن بووری برنجێ کوردی ھاتیە چاندن
ئه‌ڤرۆ نيوز:
رێڤەبەرێ کەرتێ چاندنێ ل قەزا بەردەرەش دبێژیت بەردەرەش ژلایێ ئەردی و بەرھەمێن چاندنێ گەلەک یێ زەنگینە بەلێ ئاریشا مەزن ساخکرنا بەرھەمێن جۆتیارانە ل ناف بازاری, بەرھەمێن بیانی ژی کاریگەری کریە سەر بەرھەمێین نافخۆ.
ئەندارزیار مشیر محەمەد ئەمین رێڤەبەرێ چاندنێ ل قەزا بەردەرەش بۆ ئەڤرۆ خویاکر ئەف سالە ل سنوورێ قەزا بەردەرەش 2500 دۆنەمێین عەردی ژلایێ جۆتیارێین دەڤەرێ برنجێَ کوردی ھاتیە چاندن، بەلێ ئەف سالە گەلەک کێم تر ژ سالا بوری برنجێ کوردی ھاتیە چاندن دیارژی کر سالا بوری بەرھەمەکێ برنج وەکی برنجێ کوردی ژلایێ بازرگانان ڤە ھات بوو ناڤ بازاری ئەڤە ژی بۆ ئەگەرێ ھندێ کو بھایێ بەرھەمێ برنجێ کوردی خۆمالی ئەرزان بیت و جۆتیاری ژی زیان پێ بکەڤن گۆت ھۆکارێین دێ ژی ھەنە ل سەر کێمیا چاندنا برنجێ کوردی ل دەڤەرا بەردەرەش ئەو ژی کێمیا ئاڤێیە چونکو دەڤەرا بەردەرەش چوو رووبارێین وەسا لێ نینە کو برنج ل بەر بێتە کرن تنێ جۆتیار ل بەر بیرێن ئاڤێ برنجێ دکەن ئەڤەژی ژلایێ خەرجی و داھاتێ گران ل سەر وان دێ وەستیت.
گوتژى: ژلایێ دیڤەژی چاندنا برنجێ ھەتا پێ گەھشتنا وان گەلەک زەحمەتێ پێ دڤێت نە وەکێ بەرھەمیێن یێن چاندنێیە چونکو کارو ئاڤێ بەردەوام پێ دڤێت. گوت ژی دەڤەرا بەردەرەش ب چاندنا بەرھەمێن چاندنێ گەلەک یێ زەنگینە بەلێ ئاریشە ھەرێ مەزن یێ جوتیاران ساخکرنا بەرھەمیێن وانە چونکو ئەو زەحمەتێ دبەن ھەتا بەرھەمێن خوە پێ دگەھیین بەلێ ل بازاری بەرھەمیێن خۆمالی ب چوو ناچێت ئەڤەژی کاری گەری دکەتە سەر کەرتێ چاندنێ ل دەڤەرا مە تایبەتی و کوردستانێ ب گشتی .
