یانا ریال مه‌درید 300 ملیۆن یۆرۆ بۆ کرینا یاریکەرەکێ به‌رهه‌ڤكرینه
ئەڤرۆ نیوز ، زنار تۆڤی:
رۆژنامه‌کا ئیسپانی دیارکریە کو یانا شاهانە كۆژمه‌كێ مەزن بۆ گرێدانا هه‌ڤبه‌ستێ ل گەل یاریزانەکێ بەرازیلی ته‌رخانكریه و ره‌نگه ل دووماهیا مێركاتویا هاڤینێ سۆپرایزه‌كا مه‌زن بۆ جەماوەرێ ڤێ یانێ دروست بكه‌ت.
رۆژناما سپۆرت یا کەتەلۆنی دیارکریە ژی، نوکە كارگێریا یانا ریال مەدرید 300 ملیۆن یۆرۆ داناینه به‌رده‌ست، داكو شیانێن یاریکەرێ به‌رازیلی نه‌یمار داسێلڤای بده‌ستڤه بینیت و هەتا خۆله‌كێن دووماهیێ ژ بازارێ ڤه‌گۆهاستان یاریزانان ریال دێ ل هیڤیا هه‌لویستێ نەیماری مینیت.
هه‌روه‌سا وێ رۆژنامێ گۆتیە ژی، قاره‌مانا چامپپۆنزلیگا ئۆرۆپی ده‌ست ژ گرێدانا هه‌ڤبه‌ستا یاریكه‌رێ گه‌نجێ هەلبژارتیێ فره‌نسا كیلیان مباپی به‌رنه‌داینه، لێ وان نه‌ڤیایە گڤاشتنێ ل سه‌ر كارگێریا یانا پاریس سانجێرمان یا فرەنسی بكه‌ن و ئەو دێ میننه ل هیڤیا بریارا فیدراسیۆنا تەپاپێ یا ئورۆپی ل سه‌ر دانانا سزایان ل سەر یانا پاریس سانجێرمان یا فره‌نسی، سه‌را رێنمایێن یاریا پاقژ، چونکی ره‌نگه قاره‌مانا خولا فره‌نسا نه‌چاربیت ده‌ستان ژ ستێره‌كا خوه به‌رده‌ت داكۆ وێ بۆشایێ پر بكه‌ت و ل وی ده‌می یانا ریال مەدرید یا ئسپانی دێ یا به‌رهه‌ڤ بیت 300 ملیۆن یۆرۆیان بۆ هه‌ڤبه‌ستا نیماری ب مه‌زێخیت.
