٧٢ دەمژمێرێن بھێت ریال مەدرید دێ سوپرایزەکێ راگەھینت
ئەڤرۆ نیوز:
ھوسا دیارە خوە بێدەنکرنا یانا ریال مەدرید د بازارێ ڤەگوھاستنا یاریزانان دا نامینت و دێ ل ماوێ ٧٢ دەمژمێرێن دی ھەڤبەستەکا گران بھا راگەھینت.
رۆژنامەیێن فرەنسی ئەڤرۆ راگەھاندیە کو یانا مەلەکی چاڤەرێ سزادانا یانا پاریس سان جێرمان یا فرەنسی یە ژ لایێ ئێکەتیا تەپاپێ یا ئوروپا ڤە ژ بەر سەرپێچیێن وێ د قانوونا یاریا پاقژ دا و دێ ل رۆژا ئەینی رێکەفتی ٢٤ تەباخێ یوێفا دێ چەندین سزایان ب سەر یانا پاریس سان جێرمان دا سەپینت پشتی ھەڤبەستا نیمار و مپابی و چەند یاریزانێن دی ئیمزا کری بێ کو چو یاریزانان ب فروشیت و کوژمێ زێدەتر ژ ٤٥٠ ملیۆن یورویان د بازارێ ڤەگوھاستنان دا مەزێخیت کو ئەڤ مەزاختنە زێدەترە ژ داھاتێ وێ ب ڤێ چەندێ سەرپێچی کریە د قانوونێن ئێکەتیا تەپاپێ یا ئوروپی.
ئەگەر ھاتو رۆژا ٢٤ ڤێ ھەیڤێ یوێفایێ سزا لسەر یانا فرەنسی سەپاندن دێ نەچار بیت ئێک ژ ستێرێن خوە نیمار یان کیلیان مپابی ب فروشیت لەورا ریال مەدرید ژی خوە بەرھەڤ کریە ڤێ چەندێ ب دەلیڤە وەرگریت و ھەڤبەستا ئێک ژ ڤان یاریزانا ئیمزا بکەت و کوژمێ ٣٠٠ ملیۆنان بەرھەڤ کریە بۆ ڤێ مەرەمێ.
