كچه‌كێ خوه خه‌ندقاند
ئه‌ڤرۆ نيوز:
كچه‌كا خوه‌جها ده‌ڤه‌را راپه‌رين ب پاته‌يى خوه هه‌لاويست و گيانێ خوه ژ ده‌ست دا.
د راگه‌هاندنه‌كێ دا، رێڤه‌به‌رێ پۆليسێن راپه‌رين ئاشكه‌را كر كو ده‌مژمێر 1:00ى شه‌ڤا بۆرى ته‌رمێ كچه‌كا 22 سالى ب ناڤێ (ج.ج) گه‌هانده نوشداريا داد ل رانيێ كو جهێ برينا هه‌لاويستنێ ل سه‌ر ستوويى يێ دياره. پشتى ئه‌نجامدانا رێكارێن نوشدارى بۆ ته‌رمێ وێ راده‌ستى كه‌سوكارێن وێ هاتيه كرن.
د وێ راگه‌هاندنێ دا، ئاماژه ب وێ چه‌ندێ ژى هاتيه كرن كو ئه‌و كچ خوه‌جها ناحيا حاجيائاوا يا سه‌ر ب قه‌زا رانيێ يه و يا بێ كار بوو و ب گۆتنا كه‌سوكارێن وێ خوه ل مال ب پاته‌يى هه‌لاويستيه و ژ ئه‌گه‌رێ وێ گيانێ خوه ژ ده‌ست دايه.
پۆليسێن راپه‌رين خوه‌يا ژى كر كو به‌رپه‌رێن ڤه‌كۆلينێ بۆ روودانێ هاتينه ڤه‌كرن و كه‌س ژى ل سه‌ر نه‌هاتيه ده‌سته‌سه‌ركرن. بۆ ئه‌گه‌رێن دروست يێن روودانێ ڤه‌كۆلين دێ يا به‌رده‌وام بيت.
