مفایێن ڤەخوارنا شیری ل دەمێ سپێدەهیان
ئەڤرۆ نیوز ، تۆڤی:
زانایێن زانکۆیا گویلف ل باژێرێ ئۆنتاریۆ ل کەنە دا بەحسێ مفایێن ڤەخوارنا شیر دکەن ل دانێ تێشتێدا ل سپێدەهیان.
وان ڤەکۆلین ل سەر 32 کەسان ئەنجامدایە و داخواز ژێ کریە کو رۆژانە ل دەمێ سپێدەهیان نێزیکی 250 ملیلیترێن شیری ڤەخون، هەروەسا وان ئەو پشکداره کرنە سێ پشک و کۆمەلا ئێکێ شیرێ پر دوهن و پڕۆتینات ڤەخوار و کۆمەلا دویێ شیرەکێ ئاسایی و کۆمەلا سییێ شیرەکێ کێم دوهن ڤەخوار.
پشتی هنگێ و ب درێژاهیا رۆژێ ئاستێ گلوکۆزێ دناڤا خوینا وان پشکداران دا د پیڤان، د ئەنجامدا دەرکەفت کو شیرێ پری پرۆتین ئاستێ شەکرا دناڤا خوینێ دا کێم دکەت و هاریکاریا بەردانا هۆرمۆنەکێ ددەت کو کریارا هەرسکرنێ هێدی دکەت، د ئەنجامدا بۆ ماوەکێ زۆر هەستێ تێربوونێ دبەخشیت.
