تەکنۆچیا ڤێ کارتێکرنا خراب ل سەر زارۆیێن ھەوە دکەت
ئەڤرۆ نيوز:
ڤەکۆلەران دیارکر زارۆیێن گەلەک تەکنەلوژیایێ بکاردئینن دەمێ دچنە قوتابخانێ زەحمەتێ د ھەلگرتنا پێنوسی و نڤێسینێ دا دبینن.
یا دیارە کو مۆبایل و تابلێت بساناھیترین رێکن بۆ ئارامکرن و بێدەنگکرنا زارۆیێ بێزار و ب گری. لێ ئەڤە دبیت ببیتە ئەگەرێ رێگریکرن ل گەشەکرنا ھێزا دەستان بۆ ھەلگرتنا پێنوسی، برین ب رێیا مەقەسێ و ئەو کارێن کو زارۆیێن د ژیێ وان دا دکرن بەری چەندین سالان.
ڤەکۆلینەکا نوی ژ لایێ دەزگەھێ NHS ل ئینگلتەرا دیارکریە کو زارۆ دھێنە قوتابخانێ ب شێوەکێ نە بەرھەڤ کری بۆ نڤیسینێ و چالاکیێن دی یێن پێدڤی ب ھێزا ماسولکێن تبلا ھەی.
نوشدارێن زارۆیان د ڤەکولینێ دا لومەی تەکنەلوژیا یێ کر و گرنگی ب ھندێ دا کو دەیک و باب ساناھی تر دبینن ب پێدانا ئای پاد و موبایلان ب زارۆی ل شووینا ھاندانا وان بۆ ئەنجامدانا ئەو یاری و چالاکیێن کەڤن یێن بەربەلاڤ وەک: رەنگ کرن، ئاڤاکرنا خانیێن بچووک ب رێکا یاریان، برینا کاغەز و تشتان و پێڤەکرنا ستیکەران، راکێشانا وەریسان و ھاڤێتنا یاریان ل دەمێ یاریکرنێ و ڤەھاندنا مورکان.