بەرشەلونە رەخنەیێن توند ل ئێکەتیا ئسپانی کرن
ئەڤرۆ نیوز:
کارگێریا یانا بەرشەلونە رەخنەیێن توند ئارستەی ئێکەتیا تەپاپێ یا ئسپانیا و یانا بەلەد وەلید گرتن ژبەر خرابیا ئەردێ یاریگەھا وێ د یاریا شڤێدی یا خولا ئسپانیا دا ئەوا ب سەرکەفتنا یانا بەرشەلونە ب گۆلەکێ بێ بەرامبەر ب دوماھی ھاتی.
رۆژنامەیا موندو دیبورتیڤو یا کەتالونی ب رێکا یاریزان و کارگێریا یانا بەرشەلونە رەخنەیێن توند دەرھەقی یانا بەلەد وەلید و ئێکەتیا تەپاپێ یا ئسپانی کرن ژبەرکو ئەردێ یاریگەھا وێ یێ گونجای نەبوو بۆ ئەنجامدانا یاریێن خولا ئسپانی و مەندەھوشیا خوە دەربری کو بەری نوکە کەسێ ئەو وێرەکیە نەبویە بھێت پشکنینا یاریگەھێ بکەت کا یا باشە بۆ ئەنجام دانا یاریێن باشترین خول ل جیھانێ لەورا جھێ شەرم مزاریێ یە بێژنە لیگا ئسپانی باشترین خول ھێشتا یاریگەھێن ھندەک یانا د خراب بن بۆ ئەنجامدانا یاریان.
