پاریس سان جێرمان دێ سکالایەکێ دژی بەرشەلونە تومارکەت
ئەڤرۆ نیوز:
راپورتێن رۆژنامەڤانی روناھی دایە سەر خرابیا پەیوەندیێن ناڤبەرا ھەردو یانێن پاریس سان جێرمان یا فرەنسی و بەرشەلونە یا ئسپانی ژ ئەگەرێ یاریزانێ فرەنسی ئەدریان رابیو یاریزانێ یانا فرەنسی.
رۆژناما سپورت یا ئسپانی دیارکر پەیوەندیێن ھەردو یانێن ناڤھاتی بەر ب خرابیێ چوینە ژ دەمێ پەیدابونا کێشەیا یاریزانێ بەرازیلی نیماری ژ ھاڤینا ٢٠١٧ وەرە.
زێدەتر ھەمان ژێدەر ئاماژە دایە وێ چەندێ کو یانا پاریس سان جێرمان یا ھزر د تومارکرنا سکالایەکێ دکەت دژی یانا بەرشەلونە ژبەر پەیوەندیێن وێ یێن راستەوخو دگەل یاریزانێ وێ ئەدریان رابیو بێ دەستیریا یانا فرەنسی، دیسان ڤێ رۆژنامێ دیارکریە یانا پاریسی بەری نوکە ب ھەڤبەستەک پێشکێشی ئیڤان راکیتێچ کربوو ب کوژمێ ٩٠ ملیۆن یورویان تنێ مەرەم ژێ بەرسڤا یانا بەرشەلونە بدەت دەربارەی پەیوەندیێن وێ دگەل رابیوی.
بەری نوکە پێپ سیگورا و ئێرێک ئەبیدال ب نوونەراتیا یانا بەرشەلونە بەر ب پاریس چوبون و ب فەرمی داخوازا ئیمزاکرنا ھەڤبەستا رابیوی کربوو ژ یانا پاریس سان جێرمان.
