٤٨ دەمژمێر بەرامبەر ریال مەدرید ماینە
ئەڤرۆ نیوز:
رۆژناما مارکا یا ئسپانی ئاشکرا کر نوکە کارگێریا یانا ریال مەدرید یا ھزر د ڤەگەراندنا یاریزانێ خوە یێ ھێلا ھێرشبەریێ ماریانو دیاز دکەت ژ یانا لیون یا فرەنسی د ڤێ حەفتیێ دا.
ل وەرزێ بوری ماریانو دیاز ژ یانا ریال مەدرید بەر ب یانا لیون یا فرەنسی چوبو بەرامبەر کوژمێ ٨ ملیۆن یورویان و شیابو ٢١ گۆلان توماربکەت د خولا فرەنسا دا و ئاستەکێ باش پێشکێش بکەت.
ھەمان ژێدەر دیارکر کو ریال مەدرید نوکە یا ھزر د ڤەگەراندنا ماریانو دیاز دکەت پشتی راھێنەرێ تیمێ جولیان لوپێتیگی داخوازا ھێرشبەرەکێ دی کریە دگەل کەریم بنزیمای یاریێ بکەت.
ھەمان ژێدەر ئەو چەندە ژی دیارکر ڤەگەریانا دیازی بۆ یانا ریال مەدرید باشترە بۆ یانا لیون ب فروشیتە یانا سڤیلیا ژبەرکو ٣٥% یا بھایێ ڤێ گرێبەستێ دێ بۆ ریال مەدرید بیت لەورا چو مفای ژڤێ چەندێ نابینت بۆ یانا فرەنسی.
نوکە ٤٨ دەمژمێر بەرامبەر یانا ریال مەدرید ماینە داکو بریارا دوماھیێ بدەت بۆ ڤەگەراندنا وی ژبەرکو دێ دەرگەھێ ڤەگوھاستنان ھێتە دایخستن.
