ئێدی بێ دەنگ نابیت
ئەڤرۆ نيوز:
سترانبێژەکا خەلکا رۆژھەلاتێ کوردستانێ، ب ناڤێ (کومسای) د دیدارەکێ دا بۆ ئەڤرۆ دیارکر، ل دەمێ بۆری چەندین دیدارێن رۆژنامەڤانی ل گەل وێ ھاتینە کرن و ھەموویان ژی پرسیارەکا ھەڤپشک ژێ دکرن، ئەو ژی بۆچی تۆ یا بێدەنگی و نووترین بەرھەمێ تە چیە؟ و گۆت: وی دەمی من بەرسڤ نەبوو چونکو مژوولی کارەکێ نوو بووم لێ نوکە دەم ھات بێژمە وان من بێدەنگیا خوە شکاند و چاڤەرێی ئەلبۆمەکا سترانان بن، کو ژ دوازدە تراکان پێک دھێت، نوکە یا دقوناغێن دووماھیێ دا و من ل بەرە ل دەمەکێ نێزیک بەلاڤ بکەم و ھیڤیا من ئەوە ب دلێ وان کەسان بیت یێن کو گوھداریا دەنگێ مە دکەن، ھەروەسا وەک پرۆژە مە ل بەرە بۆ نەورۆزێ سترانەکێ کلیپ بکەین، و بۆ زانین مە ژمێژە کار ل سەر کریە لێ ژبەر باژێرێ عفرینێ و داگیرکرنا وی باژێری بۆ دەمەکی مە راگرت.
ناڤھاتیێ نێزیکی (25) ستران و کلیپان ھەنە، خێزاندارە ل گەل ھەڤژینێ خوە ل ئەرمینیا دژیت.
