سێ كه‌س ب تۆمه‌تا ماددێ هۆشبه‌ر هاتنه ده‌سته‌سه‌ركرن
ئه‌ڤرۆ نيوز، عه‌زيز هه‌ورامى:
د راگه‌هاندنه‌كا ئاسايشا شاره‌زۆر دا كو كۆپيه‌ك بۆ ئه‌ڤرۆ نيوز ره‌وانه كريه تێدا هاتيه كو پشتى كۆمكرنا پێزانين و دووڤچوونا هوور ل رۆژا 16ى ته‌باخا 2018ێ هێزێن رێڤه‌به‌ريا وان ب هاريكاريا ئاسايشا خورمال سه‌ر ب ناحيا خورمال شياينه ب فه‌رمانا دادوه‌رێ ڤه‌كۆلينا ئاسايشا شاره‌زۆر ب گۆره‌يى ماددێ 14 يێ ماددێ بێهوشكه‌ر، سێ تۆمه‌تباران ده‌ستگير بكه‌ن.
هه‌ر د وێ راگه‌هاندنا رێڤه‌به‌ريا ئاسايشێ دا هاتيه: “تۆمه‌تباران 240 مليلتر يێن ماددێ هۆشبه‌ر ژ جۆرێ “ميثادون” كو مادده‌كێ شله ل گه‌ل 72گم ترياك و 100 ده‌نكێن حه‌بێن هوشبه‌ر ل گه‌ل بوون كو ژ تۆمه‌بارێن ئيرانى وه‌رگرتينه، ژ به‌ر ڤێ چه‌ندێ ژى دادوه‌رێ ڤه‌كۆلينێ ل شاره‌زۆر دوسيا هه‌رسێ تۆمه‌تباران ڤه‌كريه و ڤه‌كۆلين د به‌رده‌وامن.
