پشتی ١٠٠ رۆژان زێدانی ئاشکرا کر ئەو چاوا شیان محەمەد سەلاح رابگرن
ئەڤرۆ نیوز:
راھێنەرێ بەرێ یێ یانا ریال مەدرید یێ فرەنسی زێنەدین زێدان ئاشکرا کر ئەو چەوا شیان یاریزانێ مسری یێ یانا لێڤەرپول رابگرن ل یاریا دوماھیا چامپیونسلیگ دا ئەوا ب سەرکەفتنا یانا مەلەکی ب دوماھی ھاتی ب سێ گۆلان بەرامبەر گۆلەکێ ل وەرزێ بوری.
د یاریا دوماھیا وەرزێ بوری یا چامپیونسلیگ دا ل نیڤا ئێکێ یاریزانێ مسری محەمەد سەلاح ژ ئەگەرێ ھەڤرکیێ ل سەر تەپێ دگەل راموسی توشی ھنگافتنێ بوو نەشیا یاریێ ب دوماھی بینت.
پشتی بورینا ١٠٠ رۆژان ل دۆر ڤێ یاریێ زێنەدین زێدان راھێنەرێ بەرێ یێ یانا مەلەکی ئاشکرا کر کو وی چو رێنمایێن تایبەت نەدابونە یاریزانان پێخەمەت راگرتنا فیرعەونێ مسری و تنێ مە پشتبەستن ل سەر شێوازێ یاریا خوە دکر و یاری وەک خوە ب رێڤەچوو سەرەرای وان گۆتگوتکێن ھاتینە گۆتن ل دۆر ئەگەرێ ھنگافتنا محەمەد سەلاحی ھاتینە گۆتن دەرھەقی باشترین بەرەڤان ل سەر ئاستێ جیھانێ سێرجیو راموس.
زێدانی بۆ سایتێ یوێفایێ ئەو چەندە ژی ئاشکرا کر کو وی ھوشداری دابو یاریزانێن خوە دەربارەی شیانێن ھونەری یێ یاریزانێن تیما لێڤەرپول داکو ئاگەھداربن دەربارەی ئەو کارێن ئەو د یاریگەھێ دا دکەن.
