ژڤانێ یاریا کلاسیکویێ ھاتە دیارکرن
ئەڤرۆ نیوز:
سەروکێ دەستەیا لیگا ئسپانی خافیێر تیباس ژڤانێ یاریا کلاسیکو یا د ناڤبەرا یانا بەرشەلونە و ریال مەدرید ژ گەرا دەھێ دەستنیشان کر ئەوا بریارە ل یاریگەھا کامپ نوو ھێتە کرن.
تیباس د دیدارەکا تلفزیونی دا دیارکر کو یاریا کلاسیکو د ناڤبەرا ھەردو جەمسەرێن ئسپانی دا دێ ل رۆژا ئێکشەمبی رێککەفتی ٢٨/١٠/٢٠١٨ ل دەمژمێر ٣:٣٠ ئێڤاری ل دویف دەمێ ھەرێما کوردستانێ ھێتە کرن.
ھەژی گۆتنێ یە بەری ڤێ یاریێ یانا بەرشەلونە دێ دو یاریێن بھێز ھەمبەر یانا سیڤیلیا ژ گەرا دەھێ و ھەمبەر یانا ئەنترمیلان ژ قارەمانیا ئوروپا قارەمانێن خولان ئەنجامدەت کو دێ د ماوێ ٧ رۆژان دا سێ یاریان ئەنجام دەت.
