د ناڤ دو کەمپان دا دو ژنان خوە سۆت
ئەڤرۆ نیوز، باسم قاسم شنگالی:
بەری دو رۆژان ژنەکێ د ناڤ کەمپا کەبەرتوو1 دا گاز ب لاشێ خوە داکر و خوە سۆت، به‌لێ ژ ئەگەرێ کوریا برينێ بۆ ناڤ لاشێ وێ ئەوێ د نەخوەشخانێ ڤە ل ھەولێرێ گیانێ خوە ژ دەست دا. ئەڤێ ژنا خوە سۆتى خەلکا کۆمالگەھا خانەسۆرێ یە ب ناڤێ ئیناس شەمۆ.
ھەروسان د ناڤا کەمپا ئێسیان ل سنۆرێ قەزا شنگالێ سەردار داود بۆ ئەڤرۆ نیوز دا زانین، بەری چەند رۆژان ل کەمپا ئێسیان ژنەکێ خوە سۆت، ھەروسان ئەو ژی ژ ئەگەرێ کووريا برينێ، ئەڤرۆ وێ ژی گیانێ خوە ژ دەست دا ل نەخوەشخانێ ڤە. ئەڤ ژنه ژی ب ناڤێ “ئەمیرا ئيسماعیل”ه خەلکا گوندێ گرزەرکا سەر ب ناحیا گرعزێرڤە ل باشووری قەزا شنگالێ يه.
