نوشداره‌ك: شێرپه‌نجا مه‌مكى دهێته زه‌لامان ژى و ل دهۆكێ ژى حاله‌ت هه‌نه
نوش نیوز:
ل دور نه‌خوشیا شێرپه‌نجێ، ل نك ژنان و زه‌لامان نوشداره‌كا نه‌خوشخانا ئازادى بو نوش نیوز دیار دكه‌ت ، به‌راورد هاتنا شێرپه‌نجێ بو سینگێ ئافره‌تان ئه‌ڤ نه‌خوشیه دهێته زه‌لامان ژى لێ ب رێژه‌یه‌كا كێمتر ژ ژنان ئه‌و نه‌خوشیه نك زه‌لامان هه‌یه و ئه‌گه‌ر زه‌لامه‌كێ شێرپه‌نجێ سینگێ وى گرت مه‌ترسیا وى پتره ژ ژنه‌كا هه‌لگرا وێ نه‌خوشیێ .
د.شیلان محه‌مه‌د سالح حه‌سه‌ن سه‌رۆكا پشكا تیشكێ ل نه‌خوشخانا ئازادى بو نوش نیوز گوت: میموگراف جوره‌كێ تیشكێ یه بو سینگێ ئافره‌تێ دهێته بكار ئینان و گرتن و ئه‌ڤ جوره تیشكه بو ئافره‌تێن ژیێ وان ژ (40) سالیێ پتر دهێته گرتن ب مه‌ره‌ما ده‌ستنیشانكرنا نه‌خوشیێن (شێرپه‌نجێ) ئه‌ڤ جوره تیشكه دهێته گرتن و ئه‌ڤ جوره تیشكه وه‌ك زێرى یه بو ده‌ستنیشانكرنا نه‌خوشیا شێرپه‌نجێ سه‌رۆكا پشكا تیشكێ ل نه‌خوشخانا ئازادى بو نوش نیوز دیار ژى كر: مه دوو ئامیرێن تیشكا میموگرافێ ل نه‌خوشخانا ئازاى هه‌نه و ل حه‌فتیێ هه‌ردوو رۆژێن (ئێك شه‌مب و چارشه‌مبێ) ئه‌م دشێن ئه‌ڤێ تیشكێ بو نه‌خوشان بگرین ده‌ما كو شیره‌تكاریا نه‌خوشیێن سینگى و مه‌مكى ل نه‌خوشخانا ئازادى نه‌خوشان بو مه ره‌وانه دكه‌ت و ئه‌م تیشكێ بو د گرین و گوت: ئه‌ڤ جوره تیشكه بو ئافره‌تێن ژیێ وان كێمتر ژ (40) سالیێ ناگرین چونكه ئه‌و ئافره‌تێن ژیێ وان ژ (40) سالیێ كێمتر زو ب زوى پێتڤى ڤێ جورێ تیشكێ نابن چونكه د سینگێ ئافره‌تا ژیێ وان ژ (40) سالیێ كێمتر ئه‌م دشێن بێژین هه‌ر تشته‌ك و نه‌خوشیه‌ك یا رونه و پێتڤى ب ڤێ تیشكێ ناكه‌ت.
ناڤبریێ نه‌ڤه‌شارت: ل حه‌فتیێ نێزیكى (25) تیشكان ئه‌م د گرین و ل نك مه ئه‌ڤ جوره تیشكه بو زه‌لامان ژى دهێته گرتن لێ ب رێژه‌یه‌كا گه‌له‌ك كێم و دشێن بێژین د سالێ دا كێمتر ژ (10) زه‌لامان قه‌ستا مه دكه‌ن بو گرتنا ئه‌ڤێ تیشكێ و هه‌ر بو زانین ژى زه‌لام ژى هه‌نه توشى نه‌خوشیا شێرپه‌نجێ دبن و هه‌ر ده‌ما زه‌لام توشى نه‌خوشیا شێرپه‌نجێ بو ، ئه‌و نه‌خوشیه ل سه‌ر زه‌لامى گرانتره ژ ئافره‌تێ چونكه قه‌بارێ سینگێ زه‌لامى ژ سینگێ ئافره‌تێ بچویكتره و نه‌خوشیا شێرپه‌نجێ زویتر دگه‌هیته هه‌ستیكێ زه‌لامى و هه‌ر گرێكه‌كا هه‌بیت ل سنیگى یان ئاڤه‌كا غه‌ریب ژ سینگى بهێت یان هه‌ر ئێشانه‌كا نشكه‌كێ ڤه و جهێ سه‌رسورمانێ بیت فه‌ره ژن قه‌ستا نوشدارى بكه‌ت به‌رى كو ئه‌و نیشانه ببنه نه‌خوشیا شێرپه‌نجێ
