250 قوتابخانە ل دھۆکێ دھێنە نووژەنکرن
ئەڤرۆ نيوز:
بەرپرسێ پەیوەندی و راگەھاندنێ ل رێڤەبەریا گشتی یا پەروەردا پارێزگەھا دھۆکێ ئاشکرا کر کو 250 قوتابخانە ل پارێزگەھێ دھێنە نووژەنکرن و ل نێزیکترین دەم دێ کەڤنە د خزمەتا قوتابی و مامۆستایان دا.
ئەحمەد عەبدوللا زوبێر، بەرپرسێ پەیوەندی و راگەھاندنێ ل رێڤەبەریا گشتی یا پەروەردا پارێزگەھا دھۆکێ ئاشکرا کر کو بۆ سالا نوو یا خواندنێ 250 قوتابخانە ل پارێزگەھا دھۆکێ دھێنە نووژەنکرن و گۆت: “ل دووڤ نەخشە و پلانێن رێڤەبەریا گشتی یا پەروەردێ ل پارێزگەھا دھۆکێ و گرنگیدان ب ژێرخانا پەروەردەیی 250 قوتابخانە ل سەرانسەری پارێزگەھا دھۆکێ ژ لایێ حوکمەتا ھەرێما کوردستانێ ڤە ب ھەڤکاری ل گەل چەندین رێکخراوێن جڤاکێ مەدەنی دھێنە نووژەنکرن”.
ناڤھاتی ئاماژە دا وێ چەندێ کو ئەڤ قوتابخانە د قووناغێن نووژەنکرنێ دانە و ل ئەڤ سالە دێ کەڤنە د خزمەتا قوتابی و ماموستایان دا و دەست خوەشیێ ل ھەموو رێکخراوێن بیانی دکەین یێن ھاریکاربووین ل گەل ئەنجامدانا ئەڤێ پرۆسا گرنگ بۆ خزمەتا کەرتێ پەروەردێ.
