پارتی دێ ب جوداھیەکا مەزن پێش لایەنێن سیاسی کەڤیت ل ھەلبژارتنێن ڤێجارێ
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان ئاشکراکر، ل سنورێ دەوروبەرێ ھەولێرێ و قەزا مەخموور پارتی دێ دەنگێن خوە زێدەکەت و دبێژیت، دێ دەنگێن پارتی زۆر جودابن ل ھەلبژارتنێن بۆری.
کرمانج عەبدولا، بەرپرسێ لقا 23ێ یا مەخموور بۆ ئەڤرۆ نیۆز دیارکر” پشکەک ژ وەلاتیێن سنورێ قەزا مەخموور دکەڤنە سنورێ مادێ 140 ، بەلێ ھژمارەکا دەڤەرانژی مە ھەنە دێ پشکداریێ د ھەلبژارتنێن پەرلەمانێ کوردستانێ دا بکەن، د ھەلبژارتنێن 12ی ئەیارێ یێن پەرلەمانێ عێراقێ قەزا مەخموور د بازنەیێ پارێزگەھا نەینەوا پشکداری کر و شیاینە ھژمارەکا زۆرا دەنگان بدەستڤە بینین.
کرمانج عەبدولا ئاماژەکر” ئەم پێشبینی دکەین ل سنورێ لقا مەخموور و دەوروبەرێ ھەولێرێ بگشتی لیستا 183ێ یا پارتی زۆرترین دەنگ بدەستڤەبینیت بشێوەیەکێ دێ جوداھیەکا زۆر لپێش لایەنێن دی یێن پشکدار بیت د ئەڤان ھەلبژارتناندا.
