دوبارەبوونا عشقێ کارتێکرنێ ل ساخلەمیێ دکەت
ئه‌ڤرۆ نيوز:
تە چەند جاران ئەڤینی کریە؟ ل گرەی ڤەکۆلینەکا زانستی یا نوو ھندی پەیوەندیێن ئەڤینیێ کێمتر بن باشترە، لەشێن وان کەسێن گەلەک دکەڤنە پەیوەندیێن ئەڤینیێ گەلەک فشار ل سەر دروست دبیت و ئەو یەک بەرھنگاریا لەشی یا سروشتی لاواز دکەت.
پرۆفیسۆر مارتن کوی و ھەڤالێن وی ل زانکۆیا ئەمبیرال کولیدج ل لەندەن ڤەکۆلینەک ل سەر ھەستێن ئەڤینیێ یێن مادی بەرھەڤ کر شرۆڤەکر، کوی وەسا ھزر دکەت کو لەشێ ژێر کارتێکرنا دلداریێ دھێتە گوھۆرین، ھەروەسا کارێ ئەندامێن لەشی ل ژێر کارتێکرنا ئەڤینیێ دھێتە گوھۆرین.
زانا ھۆشداری ددەن کو لەشێ مرۆڤ د پەیوەندیا ئەڤینیێ دا دھێتە گوھۆرین، ئەڤینیا دوبارە و سێبارە دێ زیانێ ل ساخلەمیا مرۆڤی کەت.
ڤەکۆلەران رەوشا لەشێ عاشقێ بێزار شرۆڤە کر و ئاشکرا کر، بیبیکا چاڤێ فرەە دبیت و خوە دەستان ددەت و گەلەک ئەدرینالین دچیتە ناڤ خوینێ و لێدانێن دلی زێدە دبن و ئەو ھەموو کارتێکرنەکا نەرێنی ل لەشی دکەن.
ل گۆرەی گۆتنا زانایان، نیشانێن نەخۆشیێن عشقێ وەکو نەخۆشیێن وەستیانێ نە و ئەو نەخۆشی د بەربەلاڤن.
شارەزا دبێژن: پێدڤیە مرۆڤ تێبگەھیت کو ئاریشێن دلداری کارتێکرنێ ل ساخلەمیێ دکەن، پشتوە ھاڤێتنا وێ راستیێ ژی دێ ئاریشان مەزنتر لێکەن، بۆ نموونە، بیژن ب رێژەیا 50% پتر تووشی نەخۆشیێن دلی و دەمارێن خوینێ دبن.