نهبوونا مامۆستایێن دهروونى ژ ستوونێن شكهستینه
رێژین عهلى
گومان تێدا نینه كو زانستێ دهرووناسى یێ فێركرنێ رۆلهكێ گرنگ د پرۆسێسا پهروهردهكرنێ دا دگێریت، كو كارتێكرنهكا زۆر یا ههى ل سهر ئاست و پێشخستنا قوتابیان كو بهرێ وان بدهته بدهستڤهئینانا باشترین ئهنجامان د ماوێ پرۆسێسا خواندنێ دا و رۆلێ وێ یێ سهرهكى خواندنا فاكتهرێن گرێداى ب سهركهفتنێ و نهسهركهفتنا قوتابیان ڤه ییێ دیاره؛ زانستێ دهرووناسێ پهروهردێ ژ گرنگترین لقێن زانستێ دهرووناسى یێن پێشكهفتى و بهربهلاڤه د جیهانێ دا كو گرنگیهكا زۆر د وارێ تیۆرى و پراكتیكى یا زانستێ پهروهردێ دا ههیه و نوكه مامۆستاى رۆلهكێ سهرهكى یێ ههى د سهركهفتنا قوتابیان دا و كارتیكرنهكا زۆر ژى ل سهر وان، چونكى زانستێ دهرووناسێ پهروهردهیێ گهلهكێ گرنگه بۆ سهركهفتنا مامۆستاى د پرۆسێسا پهروهردهكرنێ دا، ئهگهر تهماشای وهلاتێن پێشكهفتى بكهین، دێ بینن ئێك ژ ستوونێن گرنك یێن ئاڤاكهر د پرۆسێسا پهروهرده ێ دا مامۆستاێن بسپۆر یێن دهوورناس ل قوتابخانێن وان ههنه و رۆلهكێ بهرچاڤ دگێرن د پێشڤهبرنا ڤى ئاستى دا؛ لێ دێ بینن بهروڤاژى یه ئهڤ خاله ل دهف مه هه ناهێته بهحسلێكرن تنێ د پرۆسێسا پهروهردهكرن و فێركرنا مه دا سهپاندنا بریار و ئهركانه و خالا سهرهكى ئهوه د ناڤ قوتابخانان دا چ وانه نهمینن، ههمى ل سهر مامۆستایان بهێنه دابهشكرن دا كو ج ڤالاتى نه مینیت د خشتێ ریڤبهریێ دا و گله و گازنده بۆ رێڤهبهریا پهروهردێ نهچن، ئهرێ ئه م حهتا چ راده پێدڤى ب مامۆستایێن دهروونى نه؟ ئهرێ ئه م هزرا خوه دكهین ژ چ ئهگهرهك قوتابیێن مه پهنایێ دبهنه بهر رێیا خۆكوشتن و سۆتنێ و خوارنا حهبان؟ ئهرێ بۆچى د ناڤا ههمى قوتابخانان دا هندهك قوتابی ههنه ب چ رێان سهرهدهرى دگهل دا ناهێتهكرن؟ ژبلى قوتابیان مامۆستا ههنه ژ لایهنێ دهروونى ڤه پێدڤى ب ڤان مامۆستایێن دهروونینه ئهڤ خاله و گهلهكێن دى ئاریشهنه د قوتابخانان دا، لێ چ كهس بهحس ل ڤان خالان ناكهن، ژ بهر كو ژخالێن گرنگ نینن د سیستهمێ پهروهردا مه دا بهروڤاژى ههبوونا مامۆستاێن دهروونى ژ خالێن ههره پیشكهفتینه بۆ پێشڤهبرنا ئاستێ خواندنێ ل دهف قوتابیان چونكى بههرا پتریا خواندهڤانێ مه ژ لایێ دهروونى ڤه دنهخۆشن خودان ئاریشهنه، لێ كهس نینه خوه ل ئاریشێن وان بكهته خودان، دێ بینن دهرئهنجام دێ د خرابن ل دووماهیێ دێ گازنده یان ژ قوتابیێ خوه كهین و خالێن گرنگ بۆ گوهۆرینا ڤى قوتابى بهحس لێ ناكهین، چونكى ئهم یێن فێرى هندێ بووین تنێ سیستهم ل سهر مه بهێنه سهپاندن و دنهچاربین جێبهجێبكهین و گوهدان بۆ خالێن گرنك و باش نهبن، لهوما دێ بینن ئهم یێ جڤاكهكى پهروهرده دكهین كو دووڤ هاژویێن سیستهم و بریاراینه.
