حوكمهتا ههریمێ د ههلسهنكاندنهكا ستراتیژى دا
ـ ئاسایش ـ
رهمهزان نسرهددین كێڤلى
ئاسایش ئانكو نههێلانا مهترسیێ ل سهر ههمى واركێ ژیانێ و تێگههێ ئاسایشێ ب ههمى رامانێن خوڤه ئهوه كو تاك یان گرۆپ یانژى مللهت یانژى جڤاكێ دهولى ههست ب ئارامى و تهناهیێ بكهت و نههێلێن مهترسى ل سهر وان زال بن، بهلكو ژینگهههك دورست بیت ههمى كهسهك ل وێ ژینگههێ دا ههست ب ئاسایش و ئارامیێ بكهت. چونكو نهبوونا ئاسایشێ هندهك دهرئهنجامێن زۆر خراب ههنه ل سهر گشت وارێن ژیانێ ژ وان: ـ بهر بهلاڤبوونا رێژا توندیێ و كوشتن و تاوانان. ـ ژئێك جودابوونا جڤاكى. ـ نهبوونا گهشهیا سیاسى و ئابوورى و جڤاكى. ـ راوهستاندنا زۆر وارێن ژیانێ ئانكو ژیانا رۆژانه دكهفته ل مهترسیێ دا ـ نههێلانا پێكڤهژیانا سیاسى و ئاینى و جڤاكى. ل ڤێره پشتى سهرهلدانا پیرۆز حوكمهتا ههرێما كوردستانێ سیاسهتهكا ئاسایشى یا ب هێز داریشتى یه تاكو شیایی ل سهر ههمى ئاستان ژیان خهلكى بپارێزیت نهخاسمه زۆر گهف و مهترسى چ یێن ناڤخوه یان دهرڤه ل سهر ههرێما كوردستانێ ههبووینه بهلام ژ ئهنجامێ پهیرهوكرن و كاركرنا دهزگههێن هێزێن ناڤخوه شیایه حهتا رادهیهكێ باش مهترسیێ ل سهر خهلكى كێم بكهت و قووناغ بۆ قووناغێ بهر ب باشتر ڤه بچیت ل ههمى قووناغهكێ دا گهفێن زۆر رژد ل سهر ههرێما كوردستانێ ههبووینه چ گهفێن تیرۆرا جیهانێ ئهوا ب ناڤێ قاعیده یانژى ههبوونا گرۆپێن ئیسلامیێن تیرۆرستى ل دهڤهرێن پارێزگهها سلێمانیێ ههتا كو شیایێن گهلهك چالاكیێن تیرۆرى ل كوردستانێ ئهنجامبدهن و دیسان رژێمێن جیران بۆ كوردستانێ ههمى دهمهكێ مهترسیێن دى ل سهر ئاسایشا خهلكێ كوردستانێ دورست كرینه ژ وان مهترسیان: ـ مهترسیێن ئابوورى لێ ل بهرامبهرى خوه حوكمهتا ههرێما كوردستانێ ههول دان دكرن ئاسایشا ئابوورى بپارێزیت. ـ مهترسێن هزرى ورهوشهنبیرى تایبهت بو نههێلانا كهلتور و رهوشهنبیریا كوردى و چهساپاندنا رهوشهنبیریا بیانى ل مهژیێ تاكێ كورد بهلێ حوكمهتا ههرێمێ ب رێیا وهزارهتا رهوشهنبیرى و پهروهردێ شیان پهروهدهكا ب تام كوردى دورست بكهن ل خزمهتا ئاڤاكرنا تاكێ كورد دا . ـ كهفێن لهشكهرى حهتا نوكه ژى ب بههانهیێن جودا جودا دهستدرێژى ل سهر ئاخا كوردستانێ دهێتهكرن و ئهڤه ژى ڤهدگهریت بۆ نهبوونا دهولهتهك ب هێز ل عێراقێ و دیسا نهبوونا قهوارهك كوردى سهربهخوه. ـ ل سهر گهلهك ئاستێن دى وهكو (ئاسایشا پێزانینا و ئاسایشا مالى و ژینگههى .. هتد). لهورا نه ل ههرێما كوردستانێ و نهژى ل چ وهلاتێن دونیایێ ئاسایشهك رها نینه بهلام ئهگهر ئهم بهراوردیێ بكهن و ل گهل وان خالێن دبن هۆكار بۆ تێكدانا ئاسایشێ، حوكمهتا ههرێما كوردستانێ یا سهركهفتى بوویه د ڤێ وارى دا و ئهڤ چهنده بوویه هۆكارێ دورستبوونا گهشهپێدانا سیاسى و ئابوورى و جڤاكى ل كوردستانێ و گرنگیا ئاسایشا ژى ل كوردستانێ ل هندێ دایه دهمێ ههمى تاك ههست بكهن كو ل مال یان جهێ كارێ خوه دپاراستى نه و خالا ژ ههمى گرنگتر باوهریا خهلكى یه ب ئهڤان دامودهزگههان. زۆر باشه و ههڤكاریا خهلكى ژى ل ئاستهكێ ههرى باش دایه. بۆ داهاتى ژى پێدڤى یه باشتر خوادنا رهوشا ههرێمى و ناڤخوه بهێتهكرن و دیسا ئالاڤێن جێبهجێكرنا ئاسایشێ ب هێز بن ل كوردستانێ و تاكێ كورد خوه ببینیت پشكهك ژ مهنزمۆنا ئاسایشى بۆ هندێ پلانێن حوكمهتێ سهركهفتى بن چونكو قووناغا داهاتى دوور نینه زۆر كورانكاریێن سیاسى و لهشكرى ل رۆژههلاتا ناڤهراست دورست بن.
