ڤاتیكان گهلهك ب چاڤهكێ مهزن بهرخوه دهته پێشمهرگهى
بالیۆزێ عیراقێ ل ڤاتیكان:
ڤاتیكان گهلهك ب چاڤهكێ مهزن بهرخوه دهته پێشمهرگهى
(ڤاتیكان گهلهك ب چاڤهكێ مهزن تهماشهى كوردستانێ دكهن كو ههموو ئاین ب ههڤرا دژین)
ئهڤرۆ، سالار دۆسكى:
بالیۆزێ عیراقێ ل ڤاتیكان، كو خهلكێ كوردستانێ یه، د دیدارهكێ دا ل گهل رۆژناما ئهڤرۆ ئاشكراكر كو ڤاتیكان گهلهك ب چاڤهكێ مهزن بهرخوهد هته پێشمهرگهى، كوردستان جهێ سهربلنداهى یه ل دهڤ خهلكێ ڤاتیكان كو جههكه ههموو ئاین ب ههڤرا دژین و ههتا نوكه وهك برانه.
بالیۆزێ عیراقێ ل ڤاتیكان بۆ رۆژناما ئهڤرۆ گۆت: دانانا بالیۆزان ب دو قووناغا هاتنهدانان، گهلهك بالیۆز هاتینه خانهنیشنكرن و نه ب تنێ كوردان، بهلكو ژ ههموو پێكهاتێن عیراقێ (عهرهب سنه، شیعه، كورد) دهمێ دهێنه خانهنیشنكرن كهسهكێ دى ناهێته جهێ وان رۆژ بۆ رۆژێ بهر ب كێمبوونێ ڤه دچن، بۆچوونا من ههكه قووناغهكا دى یا دانانا بالیۆزان دهستێكر باشتره كورد هزر وێ چهندێ بكهن كهسێن گهنج بهربژار بكهن دا بشێت كارى بكهت و نه كهسهك بهێـته بهربژاركرن، ب تنێ چهند سالێن كێم بالیۆزبیت و بهێته خانهنشینكرن و ئهڤه خسارهتى یه بۆ مللهتێ كورد.
عومهر بهرزنجى، بالیۆزێ عیراقێ ل ڤاتیكانێ گۆت ژى: تشتێ شیاین بكهین ئهم شیاینه دانوستاندنێ د ناڤبهرا ئاینان دا ل عیراقێ دروست بكهین و تایبهت پشتى شهرێ داعش، خهلكێ دهرڤهى عیراقێ هۆسا هزر دكر ئهڤ ئیسلامه، مه بۆ شرۆڤهكر كو ئیسلام یا بێ گونهه و پێدڤى یه ئهڤه بۆ ئاینێن دى بهێته شرۆڤهكرن و ئهڤ رۆله مه گێرا، چنكو نێزكترین ئاین بۆ ئاینێ مهسیحى ئاینێ ئیسلامێ یه و قورئانا پیرۆز دا ئهڤه گۆتیه هاتیه بۆ نموونه چاوا زهلامهكێ موسلمان دشێت ژنهكا مهسیحى بینیت، ئانكو دڤێت ئهڤ تشته بۆ ئاینێن دى بهێنه شرۆڤهكرن و تایبهت جههكێ وهك ڤاتیكانێ و ئهوان گهلهك پێ خوهش بوویه و كۆمبوونێن مهزن ل سهر ڤێ چهندێ هاتینهكرن و كۆنگره هاتینهگرێدان وێنێ عیراقێ و كوردستانێ هاتیه گههاندن و تشتێ خوهش ل كوردستانێ خوینا چ مهسیحیان نههاتیه رێتن.
عومهر بهرزنجى ئهو ژى گۆت: سهردانا پاپاى بۆ عیراقێ مه دروست كربوو و مه ل گهل وهزیرێ دهرڤه ئاخفت بوو، لێ ژ بهر كاودانێن عیراقێ كاودانێن ئێمناهیێ و گوهۆرینا حوكمهتێ و خوهنیشاندانا نهشیا سهردانا بهغدا بكهت، لێ ب هیڤى نه پشتى دروستبوونا حوكمهتا عیراقێ ب چهند ههیڤان دێ سهردانا عیراقێ كهت.
بالیۆزێ عیراقێ ل ڤاتیكان كورده و ماوێ 14 ساله بالیۆزه ل وى وهلاتى ژڤانه رۆژێن بهێت بهێته ڤهگوهاستن بۆ وهلاتێ بهحرهینێ بهێته ڤهگوهاستن.
