حوكمهت و خهلك .. بریارێن سهرۆك وهزیران
رهمهزان نهسرهدین كێڤلی
حوكمهت ئانكو دهسههلات و برێڤهبرنا ههمى كاروبارێن وهلاتى و گومان تێدا نینه ئارمانجا ههر حوكمهتهكا ههلبژارتى خزمهتكرنا خهلكى یه، نهخاسمه ئهگهر ئهڤ حوكمهت ل سهر بنهمایهكێ دیمۆكراسى هاتبیت ههلبژارتن و خهلك پێكهاتێ سهرهكیێ ههر وهلاتهكێ ئانكو هیچ دهسههلاتهك نینه ئهگهر خهلك نهبیت و هیچ رێخستنهك ژى نینه ئهگهر حوكمهت نهبیت رێڤهبهریا ئهوى خهلك بكهت.
خالا ژ ههمیان گرنگتر ئهوه دهمێ حوكمهت مرۆڤان دكته سهنتهر و ههمى خزمهتهكێ بۆ مرۆڤى بكهت ل ههرێما كوردستانێ سهرهراى ههبوونا ب دههان گله و گازندێن خهلكى بهلێ ل سهر گهلهگ ئاستان گهشهیهكا زۆر باش بخوهڤه دیتى یه و كهرتێ ساخلهمیێ ژ گرنتكترێن كهرتان بوویه كو حوكمهتا ههرێمێ بهردهوام كار ل سهر پێشخستنا وى دكر چ ژ دابینكرنا كهلوپهلێن پێشكهفتى یانژى گرنگى دان ب پێگههاندنا تاكێن ساخلهمى چ نۆشدار یان بیاڤێن دى یێن نۆشدارى و خالا ههره گرنگ ژى دهرمان بووینه و ب راستى ژ ئهنجامێ نهبوونا وژدانا ئهخلاقى ل دهف هژمارهكا بارزگانان خهلك كهتبوو ل بن مهترسیا بكارئینانا دهرمانێن نهگونجایێ و نه خودان كوالیتهیهك باش، لهورا ب دیتنا من ژ باشترین بریارێن حوكمهتا ههرێما كوردستانێ ل سالا 2018 ئهو بریار و رێنما و راسپاردهیێن سهرۆك وهزیران بووینه كو ل ڤێ دووماهیێ ل سهر چاوانیا ڤهكرنا دهرمانخانه و مولهت و تایبهت مهندیا كارێ دهرمان و گوكهه و جۆرێ دهرمان و چاڤدێریكرنا ئهڤى بابهتى ژ ههمى لایهكێ ڤه ئهڤ بریاره ل خزمهتا خهلكێ كوردستانێ دا، لهورا خالا گرنگتر ژ ڤێ ئهوه ههمى لایهنێن پهیوهندیدار كار ل سهر جێ بهجێ كرنا ناڤهرۆكا بریارێن سهرۆك وهزیران بكهن و لژنێن تایبهتمهند كارێ خوه بكهن ههر لایهنهكێ خهمسار بگههته سزایێ خوهیێ دادپهروهرانه و پێدڤیه لایهنێن پهیوهندیدار ههمى ههڤكار بن ل گهل سهرۆك وهزیران تاكو بشێت یێ سهركهفتى بیت ل ڤى بابهتى و ئێدى چ كهس بارزگانیێ ب خهلكێ كوردستانێ.
