گوھۆرینێن‎ ‎سەقایی‎ ‎نەخۆشیێن‎ ‎گرێدایی‎ ‎ھەناسێ‎ ‎زێدە‎ ‎دکەن

ئەڤرۆ نيوز‎:‎

تایبەتمەندەکێ‎ ‎نەخۆشیێن‎ ‎دل‎ ‎و‎ ‎ھناڤان‎ ‎دیارکر‎ ‎کو‎ ‎دڤی‎ ‎وەرزێ‎ ‎سالێ‎ ‎دا‎ ‎ھندەک‎ ‎نەخۆشی‎ ‎پەیدا‎ ‎دبن‎ ‎ب‎ ‎تایبەتی‎ ‎ژی‎ ‎دانێ‎ ‎سپێدێ‎ ‎ھەتا‎ ‎بەر‎ ‎ب‎ ‎مەغرەب،‎ ‎دونیا‎ ‎یا‎ ‎خۆشە‎ ‎و‎ ‎دەمێ‎ ‎دبیتە‎ ‎شەڤ‎ ‎سەقا‎ ‎سار‎ ‎دبیت‎ ‎ژ‎ ‎بەر‎ ‎ڤێ‎ ‎چەندێ‎ ‎پتر‎ ‎نەخۆشیێن‎ ‎سینگی‎ ‎و‎ ‎میلاکێ‎ ‎پەیدا‎ ‎دبن،‎ ‎نوکە‎ ‎خەلک‎ ‎پتر‎ ‎تووشی‎ ‎نەخۆشیێن‎ ‎گرێدایی‎ ‎سینگی‎ ‎دبن‎.‎

د‎. ‎لوقمان‎ ‎ئەمین‎ ‎ئەحمەد،‎ ‎تایبەتمەندێ‎ ‎نەخۆشیێن‎ ‎دل‎ ‎و‎ ‎ھناڤان‎ ‎دیارکر‎ ‎کو‎ ‎د‎ ‎گەل‎ ‎گوھوڕینا‎ ‎سەقایی‎ ‎وەلاتی‎ ‎تووشی‎ ‎پەرسیڤەکا‎ ‎دژوار‎ ‎و‎ ‎کولبوونا‎ ‎سینگی‎ ‎یا‎ ‎دژوار‎ ‎دبن‎ ‎و‎ ‎ئەو‎ ‎کەسێن‎ ‎بەری‎ ‎نوکە‎ ‎نەخۆشیێن‎ ‎دومدرێژ‎ ‎ھەین،‎ ‎رەوشا‎ ‎وان‎ ‎یا‎ ‎ساخلەمیێ‎ ‎خرابتر‎ ‎لێ‎ ‎دھێـت‎ ‎وەکو‎ ‎نەخۆشیێن‎ ‎رەبۆ‎ ‎و‎ ‎جگارەکێشانێ‎ ‎یێن‎ ‎بۆ‎ ‎ماوەیەکێ‎ ‎درێژ‎ ‎یێن‎ ‎کولبوونا‎ ‎ھەودانا‎ ‎ھەناسێ‎ ‎ھەین‎ ‎ئەڤە‎ ‎دەمێ‎ ‎تووشی‎ ‎سەرمایێ‎ ‎دبن‎ ‎پتر‎ ‎تووشی‎ ‎نەخۆشیان‎ ‎دبن‎.‎
ئاماژە‎ ‎دا‎ ‎وێ‎ ‎چەندێ‎ ‎ژی‎ ‎کو‎ ‎کەسێن‎ ‎ھەناسا‎ ‎وان‎ ‎سرۆشتی‎ ‎چو‎ ‎نەخۆشیێن‎ ‎دومدرێژ‎ ‎نەبن‎ ‎کێمتر‎ ‎تووشی‎ ‎نەخۆشیێن‎ ‎گرێدایی‎ ‎ھەناسێ‎ ‎دبن‎ ‎ژ‎ ‎کەسێن‎ ‎ھەلگرێن‎ ‎نەخۆشیێن‎ ‎دومدرێژ‎ ‎یێن‎ ‎گرێدایی‎ ‎ھەناسێ‎ ‎بن‎ ‎ئەو‎ ‎پتر‎ ‎تووشی‎ ‎نەخۆشیان‎ ‎دبن‎ ‎ل‎ ‎ڤی‎ ‎وەرزێ‎ ‎سالێ‎.‎

د‎. ‎لوقمان‎ ‎ئەمین‎ ‎ئەحمەد‎ ‎ئاشکرا‎ ‎کر‎ ‎کو‎ ‎پێدڤیە‎ ‎د‎ ‎ڤی‎ ‎دەمێ‎ ‎سالێ‎ ‎دا‎ ‎وەلاتێ‎ ‎ئامێرێن‎ ‎تەزاندنێ‎ ‎گەلەک‎ ‎بکارنەئینن‎ ‎ب‎ ‎تایبەتی‎ ‎ژی‎ ‎ب‎ ‎شەڤ‎ ‎چونکو‎ ‎سەقا‎ ‎سار‎ ‎دبیت‎ ‎مرۆڤی‎ ‎ئاگەھـ‎ ‎ژ‎ ‎خوە‎ ‎نامینیت‎ ‎دەمی‎ ‎دنڤیت،‎ ‎دێ‎ ‎سپێدی‎ ‎ژ‎ ‎خەو‎ ‎رابیت‎ ‎دێ‎ ‎تووشی‎ ‎سەرمایێ‎ ‎بیت‎ ‎دێ‎ ‎نەخۆش‎ ‎بیت‎ ‎ب‎ ‎تایبەتی‎ ‎ژی‎ ‎کەسێن‎ ‎نەخۆشیێن‎ ‎دومدرێژ‎ ‎ھەین‎ ‎ب‎ ‎تایبەتی‎ ‎نەخۆشین‎ ‎گرێدایی‎ ‎سینگی‎ ‎پێدڤیە‎ ‎د‎ ‎گەل‎ ‎گوھوڕینا‎ ‎سەقایی‎ ‎پاراستنا‎ ‎خوە‎ ‎پتر‎ ‎بکەن‎ ‎چونکو‎ ‎پتر‎ ‎تووشی‎ ‎نەخۆشیان‎ ‎دبن‎ ‎و‎ ‎چارەسەریا‎ ‎وان‎ ‎ب‎ ‎زەحمەتر‎ ‎دبیت‎ ‎چونکو‎ ‎مێلاک‎ ‎ب‎ ‎دروستاھی‎ ‎کارێ‎ ‎خوە‎ ‎ئەنجام‎ ‎نادەن‎.‎

زێدەتر‎ ‎گۆت‎: ‎دەمێ‎ ‎کولبوونەک‎ ‎دروست‎ ‎دبیت‎ ‎دێ‎ ‎شولێ‎ ‎ئەندامێ‎ ‎ھەناسێ‎ ‎پتر‎ ‎ئینیتە‎ ‎خوارێ،‎ ‎نەخۆش‎ ‎پتر‎ ‎تەنگاڤ‎ ‎دبیت‎ ‎بۆ‎ ‎نموونە‎ ‎کەسەکێ‎ ‎جگارا‎ ‎نەکێشیت‎ ‎دەمێ‎ ‎تووشی‎ ‎سینگ‎ ‎ئێشانێ‎ ‎دبیت‎ ‎بۆ‎ ‎دەمێ‎ ‎چەند‎ ‎رۆژان‎ ‎دێ‎ ‎ساخ‎ ‎بیت،‎ ‎بەلێ‎ ‎کەسێ‎ ‎دومدرێژ‎ ‎و‎ ‎جگارا‎ ‎دکێشن،‎ ‎دەمێ‎ ‎تووشی‎ ‎سینگ‎ ‎ئێشانێ‎ ‎دبن‎ ‎رەنگە‎ ‎ل‎ ‎نەخۆشخانێ‎ ‎بھێتە‎ ‎نڤاندن‎ ‎دبیت‎ ‎ھەتا‎ ‎‏١٠‏‎ ‎رۆژان‎ ‎ژی‎ ‎دبن‎ ‎چاڤدێریا‎ ‎نوشداران‎ ‎دا‎ ‎بن‎.‎

کۆمێنتا تە