كادره‌كێ لاوان هاته ره‌ڤاندن
ئه‌ڤرۆنیۆز، سالار دۆسكى:
سكرتاریه‌تا ئێكه‌تیا لاوێن دیموكراتا كوردستانێ ئه‌ڤرۆ رۆژا ئه‌ینى 26/10/2018 ب به‌لاڤه‌كرنا به‌یان نامه‌كێ ره‌فاندنا كادره‌كێ خوه ژلایێ ئاسایشا رانیا ڤه راگه‌هاند، دیاركر كو دێ هه‌موو رێكێن قانوونى بۆ ئازادكرنا وى كادرى گرنه به‌ر.
مه‌یسه‌ر عوبێد، سكرتێرێ ئێكه‌تیا لاوێن دیموكراتا كوردستانێ ،ل رۆژا ئه‌ینى 26/10/2018 بۆ ئه‌ڤرۆ نیۆز گۆت: ئه‌ڤرۆ پشتى نڤێژا خودبێ كادره‌كێ لاوان ل رانیا ژلایێ ئاسایشا وى باژێرى ڤه هاتیه ره‌ڤاندن، سكرتاریه‌تا لاوان هه‌موو پێنگاڤ هاڤێتینه بۆ ئازادكرنا كادرێ خوه ب زووترین ده‌م.
مه‌یسه‌ر عوبێد، ئاشكراكر ژى كو سكرتاریه‌تا لاوان بڤێ رودانێ دلگران بوویه و ل سه‌ر خه‌ته و لایه‌نێن په‌یوه‌ندار هایداركرینه و هه‌كه كێشه بۆ دادگه‌هێ هاته ره‌وانه‌كرن وه‌ك ئێكه‌تیا لاوان پارێزه‌رێ خوه هه‌یه و دێ به‌ره‌ڤانیێ ژ كادێرێ خوه كه‌ت.
جهێ ئاماژه‌كرنێ یه كو كادێ لاوانێ هاتیه ره‌ڤاندن بناڤێ( خوشناو ئه‌نوه‌ر)ه خه‌لكێ رانیایه و پشتى نڤێژا رۆژا ئه‌نینى ژلایێ ئاسایشا ئێكه‌تیێ ل وى باژێرى ڤه هاتیه ره‌ڤاندن.